काठमाडौं । नागढुङ्गाबाट नियन्त्रित लागूऔषध सहित एक जना पक्राउ परेका छन् । रौतहट बौधिमाई नगरपालिका ३ बस्ने १९ वर्षिय विबेक महतोलाई प्रहरीले सोमबार बिहान पक्राउ गरेको हो ।

प्रहरीले नियन्त्रित लागूऔषध ३ हजार ट्याब्लेट नाइट्राजेपाम, ३ सय एम्पुल नुर्फिन, ३ सय एम्पुल डाइजेपाम र ३ सय एम्पुल प्रोमेथाइजिनसहित उनलाई पक्राउ गरेको जनाएको छ ।

महानगरीय प्रहरी प्रभाग नागढुङगाबाट खटिएको प्रहरीले रौतहटबाट काठमाडौंतर्फ आउँदै गरेको ना.६ ख ७१९४ नम्बरको यात्रुबाहक बस जाँच गर्ने क्रममा बसमा सवार महतोको साथमा उक्त लागूऔषध फेला पारी पक्राउ गरेको हो ।

यस सम्बन्धमा आवश्यक अनुसन्धान गरिरहेको प्रहरीले जनाएको छ ।