बाँके । १० लाख अवैध भारतीय रूपैयाँसहित एक भारतीय पक्राउ परेका छन् । आइतबार दिउँसो नेपालगंज उपमहानगरपालिका–१६ को भन्सार चेक प्वाईन्टमा चेकजाँच गर्दा भारतको दिल्ली जफ्फारावाद बस्ने ५४ वर्षीय मुनवर खानलाई प्रहरीले १० लाख अवैध भारुसहित पक्राउ गरेको हो ।

भन्सार सुरक्षा गार्ड नेपालगंज र सशस्त्र प्रहरी बल नेपाल बोर्डर आउट पोष्ट जमुनाह बाँकेबाट खटिएको संयुक्त सुरक्षा टोलीले जाँच गर्ने क्रममा भारतबाट नेपालतर्फ पैदल आइरहेका खानलाई २ हजार दरका नोट ३ थान र ५ सय दरका नोट १ हजार ९ सय ८८ थान गरी जम्मा १० लाख भारतीय रूपैयाँ सहित फेला पारी पक्राउ जिल्ला प्रहरी कार्यालय बाँकेले जनाएको छ ।

पक्राउ परेका खानमाथि थप अनुसन्धान भईरहेको छ ।