काठमाडौं । प्रहरीले ताहाचलस्थित प्लाटिनम होटलमा रहेको सीएमजी क्लबमा छापा मारेर म्यानेजरसहित १० जनालाई पक्राउ गरेको छ ।

महानगरीय प्रहरी वृत्त कालीमाटीले क्लबमा अवैध क्यासिनो संचालन गरेको आरोपमा म्यानेजर महेश मल्ल सहित १० जनालाई पक्राउ गरेको हो परिसर प्रवक्ता एसपी रमेश बस्नेतले जानकारी दिएका छन् ।

उनीहरुका साथबाट २३ लाख रुपैयाँ समेत बरामद भएको छ । प्रहरीले क्लबका सहायक प्रवन्धक कमल देव चौधरी, एडमिन स्टाफ अजय यादव र क्यासियर सचिन वाग्लेसहित खेल्नेहरु भारतीय नागरिक रंजित कुमार जैसवाल, सोहन प्रसाद, मुमताज मिँया र शेख मुर्तुजा अलिलाई पक्राउ गरेको जनाएको छ ।