काठमाडौं । आइतबार नेपालमा थप १ सय ७६ जनामा कोरोना भाइरस संक्रमण पुष्टि भएको छ । योसँगै नेपालमा कोरोना संक्रमितको कुल संख्या २ लाख ७७ हजार ९४४ पुगेको छ ।

स्वास्थ्य तथा जनसंख्या मन्त्रालयका अनुसार नेपालमा सक्रिय संक्रमितको संख्या १६ सय ७२ रहेको छ । पछिल्लो २४ घण्टामा १ सय १७ जना निको भएका छन् । हालसम्म संक्रमणमुक्त हुनेको संख्या २ लाख ७३ हजार २४० पुगेको छ । हालसम्म कोरोनाको कारण ३ हजार ३२ जनाको मृत्यु भएको छ । पछिल्लो २४ घण्टामा कोरोनाबाट शुन्य मृत्यु भएको मन्त्रालयले जनाएको छ ।

यस्तै, हालसम्म ५७ जना क्वारेन्टीनमा रहेका छन् । हालसम्म २२ लाख ८५ हजार २८८ जनाको पीसीआर परीक्षण गरिएकाे छ ।