काठमाडौं । पछिल्लो २४ घण्टामा नेपालमा ४हजार ६ पीसीआर परिक्षण गर्दा थप ३ सय १२ जनामा कोरोना भाइरस संक्रमण पुष्टि भएको छ । यस्तै, ५२२ जनाको एन्टीजेन परीक्षण गरिएकोमा २५ जनामा संक्रमण पुष्टि भएको छ ।

योसँगै नेपालमा कोरोना संक्रमितको कुल संख्या २ लाख ७९ हजार १०० पुगेको छ । स्वास्थ्य तथा जनसंख्या मन्त्रालयका अनुसार नेपालमा सक्रिय संक्रमितको संख्या २ हजार ४५४ रहेको छ । पछिल्लो २४ घण्टामा ७९ जना निको भएका छन् ।

हालसम्म संक्रमणमुक्त हुनेको संख्या २ लाख ७३ हजार ६०८ पुगेको छ । हालसम्म कोरोनाको कारण ३ हजार ३८ जनाको मृत्यु भएको छ । पछिल्लो २४ घण्टामा कोरोनाबाट कुनै पनि बिरमीको मृत्यु नभएको मन्त्रालयले जनाएको छ ।

यस्तै, हालसम्म ७७ जना क्वारेन्टीनमा रहेका छन् । हालसम्म २३ लाख २ हजार १७३ जनाको पीसीआर परीक्षण गरिएको छ ।