काठमाडौं । कोरोनाविरुद्धको पहिलो चरणको खोप लगाइसकेकाका लागि वैशाख ७ देखि ११ गतेसम्म दोस्रो डोज लगाइने भएको छ

स्वास्थ्य कार्यालय काठमाडौंले मंगलबार एक सूचना जारी गर्दै कोरोनाविरुद्धको खोपको दोस्रो डोज लगाउने स्थान र मिति सार्वजनिक गरेको हो।

पहिलो चरणमा गत माघ १४ देखि फागुन १० गतेसम्म पहिलो डोज खोप लगाएकाहरुलाई वैशाख ७ देखि ११ गतेसम्म राजधानीका विभिन्न १९ अस्पतालमा  खोपको दोस्रो डोज लगाउन लागिएको हो।

सरकारले पहिलो चरणमा ४ लाख ३८ हजार ८ सय ७९ जनालाई कोभिसिल्ड खोप लगाइदिएको थियो ।