काठमाडौं । बंगलादेशमा रहेका नेपालीहरुले कोरोनाविरुद्ध स्वास्थ्य सामाग्री सहयोग गरेका छन् । उनीहरुले बंगलादेशका लागि नेपाली राजदूत डा.बंसिधर मिश्रलाई उक्त सहयोग हस्तान्तरण गरेका हुन् ।

स्वास्थ्य सामाग्रीमा १० वटा अक्सिजन कन्सेन्ट्रटेर्स, १० वटा अक्सिजन थेरापी सेट, ५ वटा सिपिएसीलगायतका छन् । राजदूत मिश्रले नेपाललाई संकटको घडीमा महत्वपूर्ण सहयोग गर्ने प्रवासी समुदायलाई धन्यवाद दिएका छन् ।

सहयोग सामाग्रीहरु चार्टर्ड फ्लाइटमार्फत काठमाडौं ल्याइदैछ । बंगलादेश आर्मीले नेपाल आर्मीलाई स्वास्थ सामाग्री सहयोग गरेकाले उक्त सामाग्री लिनका लागि नेपालबाट चार्टर्ड फ्लाइट बंगलादेश जाँदैछ । त्यही फ्लाइटमा उक्त स्वास्थ्य सामाग्री पनि राखेर ल्याइनेछ ।