काठमाडौं। बुधबार बस्ने महाधिवेशन आयोजक कमिटीको बैठकका विषयमा छलफल गर्न नेकपा एमालेको स्थायी कमिटीको बैठक बस्दैछ।

मंगलबार प्रधानमन्त्री निवास बालुवाटारमा बस्ने बैठकमा बुधबार बस्ने महाधिवेशन आयोजक कमिटी बैठकको विषयमा छलफल हुने स्थायी कमिटी सदस्य सुवास नेम्वाङले जानकारी दिए।

नेकपा एमालेको गत फागुन २८ गते बालुवाटारमा बसेको बैठकले दशौं महाधिवेशन आयोजक कमिटी गठन गरेको थियो। आयोजक कमिटीको बैठक असार १६ गते बोलाइएको छ।

सो बैठकबाट पार्टीलाई २०७५ जेठ २ कै अवस्थामा पु९याइने र एमाले नेता माधवकुमार नेपाल पक्षसँग भइरहेको एकता प्रयास सफल हुने आशा एमाले नेता, कार्यकर्ताहरुले गरेका छन्। यसै अवस्थामा एमालेको स्थायी कमिटी बैठक बस्न लागेको छ ।

पार्टी अध्यक्ष ओली र नेपाल दुवै पक्षका दोस्रो तथा युवा पुस्ताका नेताहरुले पार्टी एकतालाई नै जोड दिँदै आएको बताउँदै आएपनि पार्टी एकताको प्रयासले सार्थकता पाउन सकेको छैन।