काठमाडौं । नायक पुष्प खड्का ३१ वर्षमा प्रवेश गरेका छन् । चलचित्र ‘अझै पनि’बाट डेब्यू गरेका पुष्पलाई जन्मदिनको अवसरमा बिहानैदेखि शुभकामना आइरहेको छ ।

अझै पनि, दर्पण छायाँ २, दाल भात तरकारी, मारुनी, मंगलमलगायतका चलचित्रमा काम गरेका खड्का नेपाली चलचित्र क्षेत्रमा ह्याण्डसम हिरोबाट परिचित छन् । उनले चलचित्रका साथसाथै कैयौँ म्यूजिक भिडियोमा पनि काम गरिसकेका छन् ।

उनले चलचित्र ‘मंगलम’बाट ‘राष्ट्रिय चलचित्र पुरस्कार’ समेत जितेका थिए । उनै खड्कालाई डिसी नेपालको तर्फबाट पनि जन्मदिनको लाखौँलाख शुभकामना ।