काठमाडाैं ।दाङमा जीप दुर्घटना हुँदा चालकको मृत्यु भएको छ । तरकारी लिएर सुर्खेत आउँदै गरेको रा१च १३१० नंको जीप आज बिहान रत्न राजमार्गको झुप्राखोला नजिकै दुर्घटना भएको हो ।

मृत्यु हुनेमा घोराही नगरपालिका–१३ का अन्दाजी २८ वर्षीय जीपचालक राजु विक रहेको सुर्खेत जिल्ला प्रहरी कार्यालयले जनाएको छ । प्रहरी निरीक्षक कनकबहादुर शाहीले दुर्घटनास्थलबाट उद्धार गरी उपचारका लागि कालागाउँस्थित प्रदेश अस्पताल पु¥याउने क्रममा उनको मृत्यु भएको जानकारी दिए । सोही दुर्घटनामा परी लिवाङ नगरपालिका–३ रोल्पाका १६ वर्षीय लोकेन्द्र सुनार सामान्य घाइते भएका थिए ।

जीप सडकबाट अन्दाजी १५० मिटर तल खसेको थियो ।