कैलाली। कैलालीमा बस र स्कारपियो एक आपसमा ठोकिएर २७ जना घाइते भएका छन्। बुधबार बिहान १० बजेतिर लम्कीचुहा नगरपालिका–३ गोराङ्गेमा काठमाडौंबाट महेन्द्रनगरतर्फ जाँदै गरेको सुपप्र ००२–००१ ख १०८४ नम्बरको बस र विपरीत दिशाबाट आउँदै गरेको से१च १५९३ नम्बरको स्कारपियो एकआपसमा ठोक्किँदा २७ जना घाइते भएका हुन् ।

ठक्करबाट स्कारपियोमा सवार चालकसहित तीन जना र बसमा सवार ३८ जनामध्ये २४ जना घाइते भएको जिल्ला प्रहरी कार्यालय कैलालीले जनाएको छ ।  उनीहरुको लम्कीस्थित लालरत्न अस्पतालमा उपचार भइरहेको प्रहरीले जनाएको छ।

बस कञ्चनपुरको शुक्लाफाँटा नगरपालिका–१२ बस्ने वर्ष ३४ को गणेश रानाले चलाएका थिए । स्कारपियोमा कृष्णपुर नगरपालिका–६ बस्ने वर्ष ४८ वर्षीय मोतीराम डगौराले चालक थिए । घाइते सबैको अवस्था सामान्य रहेको प्रहरीले जनाएको छ ।