काठमाडौं । कुनै पनि फेस प्रडक्ट प्रयोग गर्नु अगाडी तपाईको छालामा उपयुक्त छ की छैन जाँच गर्नु पर्दछ । आज हामी लिक्विड फाउन्डेसनका बारेमा केही जानकारी दिनेछाै‌ । मेकअपको आधार भनेको नै फाउन्डेशन हो । यस्तो अवस्थामा बेसलाई राम्रोसँग लगाइयो भने मात्र तपाईको समग्र मेकअप परफेक्ट देखिन्छ ।

यदि तपाईले नयाँ मेकअप गर्दै हुनुहुन्छ भने लिक्विड फाउन्डेसन प्रयोग गर्दा धेरै राम्रो हुन्छ । लिक्विड फाउन्डेसन हल्का मेकअपको लागि उत्तम हो । यसले भारी कभरेज दिँदैन। लिक्विड फाउन्डेसन राम्रोसँग लगाउँदा मात्र राम्रो लुक दिन्छ। आज हामी तपाईलाई लिक्विड फाउन्डेसन लगाउँने सजिलो ट्रिक्सहरूका बारेमा जानकारी दिन्छौं ।

–सबैभन्दा पहिले अुहारको छालालाई यसरी तयार पार्नुहोस् । लिक्विड फाउन्डेसन लगाउनु अघि आफ्नो छाला सफा गर्नुहोस् र त्यसपछि मोइस्चराइजर वा हाइड्रेटिंग सीरम लगाउनुहोस् । ४ देखि ५ मिनेटपछि अनुहारमा प्राइमर लगाउनुहोस् । प्राइमरलाई एक वा दुई मिनेट सुक्न दिनुहोस् र त्यसपछि फाउन्डेसन लगाउनुहोस्।

–लिक्विड फाउन्डेसनलाई छालामा राम्रोसँग मिसाउनको लागि सिंथेटिक फाइबर फाउन्डेसन ब्रशको प्रयोग गर्नुहोस् । यसले कुनै पनि प्रकारको रेखा वा दागहरू लुकाउन र राम्रो देखाउन मदत गर्दछ। यदि तपाई ब्रशको सट्टा स्पन्ज प्रयोग गर्दै हुनुहुन्छ भने, यसलाई पानीले हल्का भिजाउनुहोस् र त्यसपछि फाउन्डेसनलाई अनुहारमा लगाउनुहोस् ।औँलाले लिक्विड फाउन्डेसन लगाउनु हुँदैन ।

–यदि छालामा आवश्यकभन्दा बढी लिक्विड फाउन्डेसन लगाउनु भयो तपाईंले स्टिपल ब्रश प्रयोग गर्नुहोस्। यसले तपाईको छालामा रहेको अतिरिक्त तरल फाउन्डेसनलाई मिलाउन मद्दत गर्नेछ ।

फाउन्डेसनलाइ  लामो समयसम्म टिकाउनका लागि फाउन्डेसन लगाइसकेपछि टिस्यु वा ब्लटिंग पेपर लिनुहोस् र अनुहारमा राख्नुहोस् र हल्का थिच्नुहोस्। यसो गर्नाले लिक्विड फाउन्डेसनमा रहेको अतिरिक्त चिल्लोपन टिस्युमा आउँछ ।यसाे गर्दा तपाईको मेकअप लामो समयसम्म रहन्छ ।