पाँचथर। पाँचथरको फालेलुङ गाउँपालिका–३ ताङ्लेपामा मंगलबार राति आगलागी हुँदा ३ वटा घर जलेका छन् । आगलागीबाट करिब ५० लाख रुपैयाँ बराबरको क्षति भएको अनुमान गरिएको छ।

स्थानीय पूर्णबहादुर केरुङको काठ र ढुंगामाटोले बनेका तीन घर जल्दा सुन, चाँदी, लत्ताकपडा, खाद्यान्न र नगदसहित ५० लाख रुपैयाँ बराबरको क्षति भएको प्रारम्भिक अनुमान गरिएको हो ।

विद्युत सट भएर आगलागी भएको हुनसक्ने स्थानीयको अनुमान छ । घटनाबारे बुझ्न इलाका प्रहरी कार्यालय मेमेङबाट प्रहरी टोली खटाइएको जिल्ला प्रहरी कार्यालय पाँचथरका सूचना अधिकारी डम्बर विश्वकर्माले बताए ।