भक्तपुर । भक्तपुरको नयाँथिमीमा सवारी दुर्घटना हुँदा एक जनाको मृत्यु भएको छ। साथै, दुई जना घाइते भएका छन् । गएराति मध्यपुर थिमी नगरपालिका वडा नं. ४ चारदोबाटोमा नयाँथिमीबाट गठ्ठाघरतर्फ जादै गरेको बा ४ च ५७६ नं. को कार आफै अनियन्त्रित भई सडकको बिच भागमा रहेको डिभाईडरमा ठक्कर खाएको उक्त कारले एउटै दिशामा ट्याक्सी र बसलाई ठक्कर दिएको हो।

उक्त दुर्घटनामा परि कारमा सवार धनुषा जनकपुर उप महानगरपालिका १५ घर भई हाल काठमाडौं शान्तिनगर बस्ने बर्ष २२ को अभिषेक साहको मृत्य भएको हो। उनलाई उपचारका लागि नागरिक अस्पताल गठ्ठाघर लगिएकोमा उपचारकै क्रममा मृत्यु भएको महानगरीय प्रहरी परिसर भक्तपुरले जनाएको छ।

दुर्घटनामा घाईते भएका कार चालक सिन्धुली कमलामाई नगरपालिका वडा नं. १२ बस्ने बर्ष २५ का सबिन घिसिङको मध्यपुर अस्पताल थिमीमा उपचार भईरहेको प्रहरीले जानकारी दिए ।

टक्सी चालक रामेछाप मन्थली नगरपालिका वडा नं. १२ घर भई हाल ललितपुर टिकाथली बस्ने बर्ष ३२ को भिमसेन खत्री सामान्य घाईते भएका छन् ।

घटनास्थलमा अनुसन्धान अधिकृतसहितको प्रहरी टोली खटिई गई अनुसन्धान कार्य भइरहेको प्रहरीले जनाए ।