कपिलवस्तु। प्रहरीले ५ थान भरुवा बन्दुकसहित एक वृद्धलाई पक्राउ गरेको छ। पक्राउ पर्नेमा वाणगंगा नगरपालिका–९ चौवा बस्ने ६० वर्षीय रामसमुज थारु रहेका छन् ।

विशेष सूचनाको आधारमा ईलाका प्रहरी कार्यालय पिपराबाट खटिएको प्रहरीले थारुको घर तलासी गर्दा प्लास्टिकले छोपी राखेको अवस्थामा उक्त बन्दुक फेला पारी उनलाई पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।