काठमाडौं । स्वस्थ सम्बन्धमा कुनै कुनै बेला सानो तिनो सामान्य नै हुन्छ । भनिन्छ, आक्रोश र झगडाका कारण सम्बन्धमा प्रेम कायम रहन्छ । तर कहिलेकाहीँ यस्ता झगडा निकै हदसम्म बढ्छ र अवस्था सम्बन्धविच्छेदसम्म पुग्छ। पछिल्ला केही वर्षयता नेपाल सम्बन्धविच्छेदका घटना बढ्दै गएका छन् । सम्बन्ध विच्छेदका सबैको आ–आफ्नै कारण हुने गर्दछ । तर केही कुरा यस्ता हुन्छन् जुन प्रायजसो सम्बन्ध टुट्ने कारण बन्छन् ।

कहिलेकाहीँ परिस्थिति पनि सम्बन्धविच्छेदको कारण बन्न सक्छ । जब दम्पतीलाई आफूले आफ्नो पार्टनरका लागि हर कुरा त्यागेको, पार्टनरको चाहना अनुसार आफु भइदिंदा पनि उनीहरुले बेवास्ता गर्छन् भने सम्बन्धमा विस्तारै तिक्तता उत्पन्न हुन थाल्छ । अन्त्यमा मानिसहरु आफ्नो वैवाहिक सम्बन्ध तोड्ने सोच्न थाल्छन् । आज हामी तपाईलाई त्यस्ता केही कारणका बारेमा बताउछौँ । जसका कारण मानिसहरु एकअर्काबाट अलग हुन्छन् ।

एक्स्ट्रा मैरिटल अफेयर– आफु बैवाहिक सम्बन्धमा रहँदा रहदै पनि कुनै व्यक्तिले अरूसँग सम्बन्ध राख्छ भने त्यसलाई एक्स्ट्रा वैवाहिक सम्बन्ध भनिन्छ। त्यस्ता मानिसहरूलाई फेरि विश्वास गर्न धेरै गाह्रो छ। धेरैजसो सम्बन्ध विच्छेदको सबैभन्दा ठूलो कारण एक्स्ट्रा वैवाहिक सम्बन्ध हो।

आर्थिक समस्या– धेरै सम्बन्धविच्छेदका घटनाहरूमा पैसा पनि ठूलो कारण बन्ने गरेको छ । दुईमध्ये एकले कम कमाएपछि अर्को व्यक्तिको मनमा हीनता पैदा हुन्छ। जसले गर्दा कहिलेकाहीँ सम्बन्धमा चिसोपन आउँछ । कमाएको पैसालाई सही सदुपयोग नहुदा पनि सम्बन्धमा दरार उत्पन्न हुन थाल्छ । अन्त्यमा उनीहरु छुटिन बाध्य हुन्छन् ।

कुरा सेयर नगर्नु– धेरै अवस्थामा, सम्बन्ध विच्छेदको एक कारण दुई व्यक्तिबीच कुराकानी नहुनु पनि हो । कुनै विषयलाई लिएर मनमा कुरा नराखी एक अर्कासँग आफ्नो मनको कुरा गर्न नसक्नु पनि सम्बन्ध विच्छेदको एउटा कारण हो । दुई दम्पतीबिच घरपरिवा, जिम्मेवारी वा अन्य कुनै कारणले पनि कुरा सेयर नहुन सक्छ।

उच्च अपेक्षा – जब कुनै पनि सम्बन्धमा समय बढ्छ तब मानिसहरु एकअर्काबाट अपेक्षा राख्न थाल्छन्। कहिलेकाहीँ अपेक्षा पूरा नहुँदा भने सम्बन्धमा कटुता उत्पन्न हुन्छ । यो पनि सम्बन्धविच्छेदको एउटा प्रमुख कारण हो ।

आत्मसम्मान– जब दुई व्यक्ति सँगै बस्न थाल्छन्। तिनीहरू सबै प्रकारका कुराहरू साझा हुन्छ । जस्तै, हाँसो, दुःख। जसका कारण दुवै जना एकअर्कासँग एकदमै मुक्त हुन्छन् । यस्तो अवस्थामा धेरै पटक एक व्यक्तिले अर्को व्यक्तिको मन दुख्ने कुरा बोल्ने । कयौं पटक श्रीमान वा उसका घरपरिवारका तर्फबाट पटक–पटक अपमान गरेपछि महिलाहरू यस्तो निर्णय लिन बाध्य हुन्छन् ।

पारिवारिक जिम्मेवारी – धेरै दम्पतीहरूबीच सम्बन्ध विच्छेदको एक मुख्य कारण पारिवारिक जिम्मेवारी पनि हो। परिवारमा श्रीमान्–श्रीमती बाहेक छोराछोरी पनि हुन्छन् । श्रीमान्–श्रीमती दुवैले काम गर्दा पनि घर सफा गर्ने, खाना पकाउने, छोराछोरीको स्याहारसुसार गर्ने जस्ता धेरै काम श्रीमतीले मात्रै गर्नेुपर्दा समेत सम्बन्धमा खट्पट आउँछ । जिम्मेवारी बाँड्न् नसक्दा सम्बन्धमा कटुता आउँछ र धेरै पटक कुरा सम्बन्ध विच्छेदसम्म पुग्छ ।