काठमाडौं । जागिरबाट निकालिएपछि एउटी युवती मालिकसँग निकै रिसाइन् । यसपछि बदला लिन उनले चालेको कदमले सबैलाई चकित पारेको छ । युवतीले अफिसमा तोडफोड गरी मालिकलाई धेरै नोक्सान पुर्याइन्। यो घटनाको भिडियो सामाजिक सञ्जालमा सार्वजनिक भएको छ ।

वास्तवमा अर्जेन्टिनाकी २५ वर्षीया इभलिन रोल्डन पोलो सुपरमार्केटमा काम गर्थिन् । मङ्गलबार उनलाई हाकिमले बर्खास्त गरेकाले अब काममा आउन नपर्ने बताएका थिए । यो देखेर रोल्डन निकै रिसाइन् र क्रोधमा पसलमा तोडफोड गर्न थालिन् ।

¡Relatos salvajes NIVEL DIOS! Evelin Roldán fue despedida de un supermercado chino de #Rafaela . Cuando fue a pedir explicaciones y ante la negativa de sus exjefes, enfureció y destrozó la góndola de vinos. #Video #Policiales pic.twitter.com/KgHrNxrVhZ

— POLICIALESONLINE (@PolicialesON) June 15, 2022

रोल्डनले पसलमा राखिएका वाइनका बोतलहरू भुइँमा फ्याँक्न थालिन्। उनले धेरै महँगो रक्सीका बोतलहरू भुइँमा फालेर चकनाचुर पारिन्। पसलमा जडान गरिएको सिसिटिभी क्यामेरामा उनको यो कार्य कैद भएको थियो । त्यसपछि प्रहरीले उनलाई पक्राउ गरेको हो ।

रोल्डनले प्रहरीसमक्ष आफूले गरेको गल्ती स्वीकार गरिन्, तर उनले आफूलाई बर्खास्त गरेकोमा रिसाएको भन्दै आफ्नो बचाउ पनि गरिन्। रोल्डनले बर्खास्त भएको सुनेपछि आफु अशान्त भएको र आक्रोशमा यो कदम चालेको बताइन् । रोल्डनले यो पनि भनिन् कि मालिकले उनको कुरा नसुनी कामबाट बाहिर निस्कने बाटो देखाए।

भिडियोमा रोल्डनले पसलमा कसरी तोडफोड गरिरहेकी छीन् देख्न सकिन्छ । उनी र्याकमा राखिएका रक्सीका बोतलहरू भुइँमा फ्याँकिरहेको देख्न सकिन्छ । वरिपरि मान्छे चिच्याएको आवाज आइरहेको छ । सयौं बोतल भुइँमा फालिएका छन् ।