काठमाडौं । संसारभरका मानिसहरूले आफ्नो दिनको सुरुवात एक कप ताजा चियाबाट गर्छन्। चिया पिएपछि शरीरमा उर्जा आउँछ र ताजा महसुस गर्दछन् । यदि तपाई पनि चिया प्रेमी हुनुहुन्छ भने तपाईले दिनमा धेरै पटक चिया पिउनु हुन्छ होला । बिहान होस्, दिउँसो होस् वा साँझ, एक कप चियाले तपाईंलाई आराम दिन्छहोला । दुधको चिया बाहेक संसारभरका मानिसहरुले विभिन्न किसिमका चिया खाने गर्छन् ।

हरियो चिया र कालो चियादेखि केमोमाइल र हिबिस्कस चियासम्म धेरै प्रकारहरूका चिया पिउने गर्दछन्। कसैलाई चियासँग बिस्कुट खान मन पर्छ त कसैलाई पकैडा । तर केही यस्ता चिजहरु छन् जुन चियासँग कहिल्यै खानु हुँदैन ।

जानौं चियासँग खान नहुने चिजहरू:

नटस्– दूधसँग आइरन युक्त चीजहरू नखानुहोस्। बदाम काजुहरुमा आइरन प्रचुर मात्रामा पाइन्छ। त्यसैले चियासँग बदाम, काजु, किस्मीस लगायतका कुराहरु खाँदा स्वास्थ्यमा नराम्रो असर पर्न सक्छ। त्यसैले चियासँग ड्राई फुड्स खानु हुँदैन ।

आइरन युक्त तरकारी– आइरन युक्त चीजहरू चियासँग खानु हुँदैन। यो किनभने चियामा ट्यानिन र अक्सालेट हुन्छ जसले फलामले भरिएका पदार्थहरूलाई अवशोषित हुनबाट रोक्छ। त्यसैले नट, हरियो सागसब्जी, दाल जस्ता आइरनयुक्त खानेकुरा चियासँग नखानु पर्छ ।

कागती– फिटनेस उद्योगमा कागती चिया पिउनु अत्यधिक सिफारिस गरिएको छ किनकि केही मानिसहरू विश्वास गर्छन् कि यसले छिटो वजन घटाउँछ। तर ती व्यक्तिहरूले यो पनि जान्नुपर्दछ कि कागतीको रसमा चिया मिसाएर पिउनाले एसिडिक बन्न सक्छ र शरीरमा विभिन्न समस्या देखा पर्न सक्छ। यदि बिहान खाली पेटमा लेमन चिया पिउने हो भने एसिड रिफ्लक्स र हर्टबर्न जस्ता समस्या पनि हुन सक्छ। तसर्थ, यो चिया पूर्ण रूपमा त्याग्नु राम्रो छ।

चनाको पीठो– पकैडा वा नुन भएको खाने कुराहरु सँग चिया पिउनु धेरै सामान्य छ। हामी मध्ये धेरैले यो गर्छौं। तर चिया संग नुन भएको चट्पटा कुरा खानु हुँदैन । चियासँगै बेसनको पिठो खाँदा पाचन सम्बन्धी समस्या आउनुका साथै शरीरको पोषक तत्व अवशोषित गर्ने क्षमतामा पनि कमी आउने विज्ञहरू बताउँछन् । त्यसैले चियामा बेसनको पिठोबाट बनेको चिजको सेवन नगर्नुहोस् ।

बेसार– चिया पिउँदा बेसार भएको खानेकुरा त्याग्नु पर्छ किनभने यसले पेटमा ग्यास, एसिडिटी वा कब्जियत जस्ता समस्या पनि निम्त्याउन सक्छ। बेसार र चियाको पात एकअर्कासँग मिल्दैन, त्यसैले चियामा बेसार भएको चिजको सेवन नगर्नुहोस्।

चिसो खाना– तातो चिया संग वा चियापछि तुरुन्तै चिसो चीज कहिल्यै नखानुहोस्। यसो गर्दा पाचन सम्बन्धी समस्या हुन सक्छ। यसको कारण के हो भने विभिन्न तापक्रमका खानेकुरा एकसाथ खाँदा पाचन प्रक्रिया कमजोर हुन सक्छ र वाकवाकी लाग्न सक्छ। तातो चिया पिएपछि, कम्तिमा ३० मिनेटसम्म चिसो खानेकुरा नखानुहोस्।