काठमाडौं । ज्वरो मानव शरीरको एक प्रतिकारात्मक आत्मरक्षक प्रक्रिया हो। ज्वरोमा मानव शरीर को ताप बढ्ने गर्दछ। मानव शरीरको ताप सञ्चालन एक प्रणालीद्वारा हुन्छ। सो प्रणाली द्वारा तापक्रम बढाउने निर्णय गरिए पछि ज्वरो आउने गर्दछ।  ज्वरो आउनु शरीर मा इन्फेक्सन भएको पहिचान हो। भाइरस ब्याक्टेरिया जस्ता सूक्ष्म कीटाणु को संक्रमण का कारण वा शरीर मा ठूलै चोटपटक लाग्दा ज्वरो आउँछ।

मनसुनमा धेरैजसो मानिसलाई ज्वरोको समस्याले सताउने गरेको छ । यो मौसममा मानिसलाई रुघाखोकीलगायत ज्वरो पनि आउँने गर्दछ । यी समस्या स्वस्थकर खानपानले निको भए पनि कहिलेकाहीँ ज्वरो लामो समयसम्म रहन्छ । यस्तो अवस्थामा तपाईलाई पनि मनसुनमा लामो समयसम्म ज्वरो आएको छ भने भुलेर पनि बेवास्ता नगर्नुहोस् । बरु, यस्तो अवस्थामा केही परीक्षण गरौं, हामी तपाईलाई बताउँछौँ कि मनसुनको मौसममा ज्वरो आएमा कुन–कुन परीक्षण गराउनुपर्छ ।

मनसुनमा ज्वरो आएमा यो परीक्षण गराउनुहोस्

मलेरिया–औलो मनसुनमा लाग्ने एक सामान्य रोग हो । यो रोग पोथी लामखुट्टेको टोकाइबाट सर्छ । यो लामखुट्टे जमेको पानीमा पाइन्छ । ज्वरोसँगै चिसो लाग्ने, काँप्ने, पसिना आउने र शरीर दुख्ने जस्ता लक्षण देखिएमा मलेरिया परीक्षण गराइहाल्नुहोस्। मलेरिया पत्ता लगाउन र्‍यापिड एन्टिजेन डिटेक्शन टेस्ट गरिन्छ।

टाइफाइड– टाइफाइड मनसुनमा हुने सामान्य रोग हो । यो रोग दूषित खानेकुरा र पानीको सेवनबाट सर्छ । टाइफाइडमा दिउँसो ज्वरो बढी रहन्छ भने बिहान शरीरको तापक्रम घट्छ ।

डेंगु– डेंगु एक भाइरस संक्रमण हो जुन पोथी एडिस एजिप्टाई लामखुट्टेको टोकाइबाट हुन्छ। डेंगु ज्वरो बर्खाको समयमा धेरै मानिसहरूलाई सामना गर्ने सबैभन्दा धेरै समस्या हो। यदि तपाईलाई उच्च ज्वरोको साथै टाउको दुख्ने, छालामा चाउरीपना, आँखाको पछाडि दुख्ने र शरीर दुख्ने समस्या छ भने यो समयमा अवश्य डेंगु परीक्षण गराउनुहोस्।