काठमाडौँ। गतिहीन जीवनशैली, कम शारीरिक क्रियाकलाप, गलत खानपानका कारणले स्वास्थ्यमा धेरै नराम्रो असर पर्ने गर्दछ। खराब स्वास्थ्यका कारण शरीरमा धेरै रोगहरु देखा पर्छन्। तौल बढ्ने, मधुमेह, जोर्नी दुख्ने जस्ता सबै समस्याले मानिसलाई निकै कमजोर बनाउन सक्छ। यदि तौल बढेको कुरा गर्ने हो भने आजको जमानामा धेरै मानिसहरु यो समस्यासँग जुधिरहेका छन् र यसको लागि कडा परिश्रम पनि गरिरहेका छन्।

धेरै मानिसहरू आफ्नो पेटको बोसोको कारणले पनि चिन्तित छन् किनभने यस भागको बोसो अन्य भागमा हुने बोसोको तुलनामा अन्तिममा घट्ने गर्दछ। छाती र कम्मर बीचको क्षेत्रलाई मिडरिफ भनिन्छ। अनुसन्धानले सुझाव दिन्छ कि मिडरिफ वरपरको क्षेत्रमा बोसोको संचयले हृदय रोग वा स्ट्रोकको जोखिमलाई उल्लेखनीय रूपमा बढाउँछ।

भर्खरै गरिएको एक अनुसन्धान अनुसार, यदि कसैले दैनिक एक विशेष पेय पिउने हो भने, यसले पेटको बोसो घटाउन मद्दत गर्दछ। यदि तपाई पनि पेटको बोसो घटाउन चाहनुहुन्छ भने जानौं यो विशेष पेयको बारेमा ।

द मिररका अनुसार पेटमा बोसो जम्नुको मुख्य कारण खराब आहार, अत्यधिक चिनी, प्रशोधित खाना, स्याचुरेटेड फ्याट हो। केही चीजहरूले पेटको बोसो घटाउन मद्दत गर्ने विशेषज्ञहरू बताउँछन्। केही अनुसन्धानले पेटको बोसो घटाउन र तौल घटाउनको लागि एप्पल साइडर भिनेगर पिउने सुझाव दिन्छ।

वास्तवमा, एप्पल साइडर भिनेगर एक प्रकारको एसिड हो जसले AMPK इन्जाइम बढाउँछ। वैज्ञानिकहरूले दावी गर्छन् कि यो इन्जाइमले बोसो पगाल्न र चिनीको उत्पादन घटाउन मद्दत गर्दछ। अनुसन्धानका अनुसार, एप्पल साइडर भिनेगरले तपाईंलाई पेट भरिएको महसुस गराउँछ, जसले गर्दा तपाईंले कम क्यालोरी खानुहुन्छ र पेटको बोसो पगाल्न मद्दत गर्छ।

एक अनुसन्धानका अनुसार उच्च कार्बोहाइड्रेटयुक्त आहारसँगै एप्पल साइडर भिनेगर खाँदा भोक कम हुन्छ, जसले गर्दा मानिसले २००–२७५ कम क्यालोरी खान्छ । १७५ जनामा ​​गरिएको यो अनुसन्धान अनुसार दैनिक एप्पल साइडर भिनेगर पिउँदा पेटको बोसो घट्छ र तौल पनि कम हुन्छ ।

एप्पल साइडर विनेगरको कति मात्रा सेवन गर्ने?
अनुसन्धानमा एक चम्चा भिनेगर खानेहरूको तीन महिनामा १.२ केजी र दुई चम्चा भिनेगर खानेहरूको १.७ केजी घटेको पाइएको थियो। दैनिक एक देखि दुई चम्चा एप्पल साइडर भिनेगर खानु धेरैजसो मानिसहरूका लागि सुरक्षित मानिन्छ र यसले बोसो पनि घटाउन सक्छ। एप्पल साइडर भिनेगर सुरक्षित रूपमा पिउनको लागि, तपाईंले यसलाई पानीमा मिसाएर पिउनुपर्छ।