काठमाडौं । जिम्बावेविरुद्धको एकदिवसीय सिरिजका लागि भारतीय टोलीको घोषणा गरिएको छ । केएल राहुल चोटका कारण फेरि यो सिरिजबाट बाहिर भएका छन् र टीम इन्डियामा फर्कन सकेका छैनन् । यसअघि भारतका पूर्व कप्तान विराट कोहली पनि यस सिरिजको हिस्सा हुन सक्ने खबर आएको थियो तर त्यस्तो भएको छैन ।

टिम इन्डियाले शिखर धवनको नेतृत्वमा जिम्बाब्वेसँग एकदिवसीय सिरिज खेल्नेछ । चोटग्रस्त केएल राहुलले यस सिरिजमा सहभागी नहुने भएपछि फ्यानहरूलाई सन्देश दिएका छन् र आफू अहिले कसरी फिट हुने संघारमा छन् भन्ने बताए । तर विराट कोहलीको पछिल्लो अपडेट के छ र उनी कहिले फर्कनेछन्, यी प्रश्न सबैको मनमा छन् । वेस्ट इन्डिज भ्रमणमा पनि सहभागी नभएका विराट कोहली अब एसिया कपबाट मैदान फर्कन सक्नेछन् ।

समाचार एजेन्सी पीटीआईका अनुसार विराट कोहली अगस्टमा हुने एसिया कपमा फर्कनेछन् र त्यसपछि उनी लगभग सबै सिरिजका लागि उपलब्ध हुनेछन्। यसका लागि विराट कोहलीले चयनकर्तासँग पनि कुरा गरेका छन् । एक स्रोतले पीटीआईलाई जानकारी दियो कि विराट कोहलीले चयनकर्ताहरूसँग कुरा गरिसकेका छन्, उनी एसिया कपको टोलीसँग हुनेछन्। किनकी एसिया कपपछि टिम इन्डियासँग टी–२० विश्वकपसम्मको समय रहनेछैन र लगातार खेलहरु हुनेछन् ।

विराट कोहली लामो समयदेखि खराब फर्मसँग लडिरहेका छन् र जिम्बाब्वेविरुद्धको एकदिवसीय सिरिज खेल्न सक्ने अपेक्षा गरिएको थियो । ताकि उनले आराम गरे पनि फर्ममा फर्किन सकून् । जिम्बाब्वे विरुद्धको ३ एकदिवसीय खेलका लागि भारतीय टोलीमा शिखर धवन (कप्तान), ऋतुराज गायकवाड, शुभमन गिल, दीपक हुडा, राहुल त्रिपाठी, इशान किशन (विकेट), सञ्जु सैमसन (विकेट), वाशिंगटन सुन्दर, शार्दुल ठाकुर, कुलदीप यादव, अक्षर पटेल, आवेश खान, प्रसिद्ध कृष्ण, मोहम्मद सिराज र दीपक चाहर छन् ।