काठमाडौं । एउटी महिला न्युज एंकरसँग निकै रमाइलो घटना घटेको छ । यो घटना हुँदा एंकर टिभीमा लाइभ थिइन् । वास्तवमा, जब उनी समाचार पढिरहेकी थिइन्, बोल्दै गर्दा उनको मुखमा झिंगा पस्यो।

तर, झिंगाले एन्करको काममा बाधा पुर्‍याउन सकेन र उनी निरन्तर समाचार पढिरहेकी थिइन् । यसको भिडियो सामाजिक सञ्जालमा भाइरल भइरहेको छ । यसबारे एंकर आफैंले प्रतिक्रिया दिएकी छिन् ।

क्यानडाकी एंकर फराह नासिरले आफ्नो ट्विटर ह्यान्डलबाट भिडियो सेयर गरेकी छिन् । जसमा उनले समाचार पढ्दै गर्दा हावामा उडिरहेको झिंगा कसरी निलिन् भन्ने देख्न सकिन्छ । झिंगा निल्दा उनी केही बेर रोकिन्, तर त्यसपछि समाचार जारी राखिन्।

Sharing because we all need a laugh these days. Turns out it’s not just @fordnation, I swallowed a fly on air today.

(Very much a first world problem given the story I’m introducing). pic.twitter.com/Qx5YyAeQed

— Farah Nasser (@FarahNasser) August 29, 2022

फराह नासिर क्यानडाको ग्लोबल न्यूज च्यानलकी एन्कर हुन्। आफ्नो भिडियो सेयर गर्दै उनले यसको क्याप्शनमा लेखेकी छिन्–भिडियो सेयर गर्दै ताकि मानिसहरू हाँस्न सकुन् । हाँस्नु धेरै महत्त्वपूर्ण छ। एंकरिङ गर्दा मैले एउटा झिंगा निलें।’

भिडियोमा महिला एन्कर पाकिस्तानमा आएको बाढीसँग सम्बन्धित समाचार पढिरहेकी देख्न सकिन्छ । यस क्रममा उड्ने क्रममा एउटा झिंगा उनको मुखभित्र पस्छ । जब झिंगा मुखमा प्रवेश गर्छ, उनी केही सेकेन्डको लागि रोकिन्छिन्, तर रिपोर्टिङमा अवरोध नआओस् भन्ने हेतुले झिंगा निल्छिन्।

उनको भिडियोलाई एक लाखभन्दा बढीले हेरेका छन् भने हजारौंले लाइक पनि गरेका छन् । भिडियोमा प्रयोगकर्ताहरुले रमाइलो कमेन्ट गरिरहेका छन् । कतिपयले उनको कामको तारिफ गरिरहेका छन् भने कसैले उनको हास्यास्पद व्यवहारको प्रशंसा गरिरहेका छन् । प्रत्यक्ष कार्यक्रममा उनले यो अवस्थालाई राम्रोसँग ह्यान्डल गरेको मानिसहरु बताउँछन् ।