काठमाडौं । हामी प्रायः सजावट, पूजा वा कुनै पनि उत्सवको समयमा फूलहरूको प्रयोग गर्ने गर्छौं। तर के तपाईलाई थाहा छ धेरै फूलहरूमा औषधीय गुणले भरिपूर्ण हुने गर्दछ । फूलको सेवनले धेरै रोगहरू निको पार्न सक्छौं। आउनुहोस् जान्नुहोस् ती फूलहरू कुन हुन् । जुन हेर्नमा सुन्दर छन् जसको सेवन गरेमा धेरै समस्याबाट छुटकारा पनि पाउन सकिन्छ ।

ल्याभेन्डर: लैवेंडर फूल धेरै सुगन्धित फूल हो। यसको सेवन गर्नाले मांसपेशीको को दुखाई हराउँनुका साथै संक्रमणबाट पनि जोगिन्छ । यो फूल हाम्रो कपालका लागि पनि निकै फाइदाजनक हुन्छ । एक अध्ययनका अनुसार बेचैनी वा निन्द्रा गडबडी र चिन्ता कम गर्नमा महत्वपूर्ण प्रभाव पारेको देखाइएको छ।

हिबिस्कस: हिबिस्कस वा घन्टी फूल जडिबुटीको राजा हो । यसले हजारौं रोग निको पार्ने काम गर्छ ।  घन्टी फूल खाँदा पाचनसम्बन्धी समस्याहरू हटाउन सकिन्छ। यो गर्भवती महिलाका लागि पनि फाइदाजनक हुन्छ। यस फूलमा एन्टिअक्सिडेन्ट गुण पाइन्छ, जसको माध्यमबाट कोलेस्ट्रोल र ब्लड सुगरको मात्रा नियन्त्रण गर्न सकिन्छ । यो खोकी, घाँटी दुखाइ, एनजाइना, स्टोमाटाइटिस, ब्रोन्काइटिस, स्पास्मोडिक कोलिक र कीराको टोकाईबाट हुने एर्लजीमा पनि प्रयोग गरिन्छ।

सयपत्री: सयपत्री फूल नेपालको प्रसिद्ध फूल हो। यो फूल सामान्यतया जाडो मौसममा पाइन्छ। यसमा एन्टिअक्सिडेन्ट गुण हुन्छ। जसले गर्दा यसले पेटसम्बन्धी समस्यालाई हटाउन मद्दत गर्छ। छालासम्बन्धी रोग लागेमा सयपत्री फूलको लेप बनाएर छालामा लगाउन सकिनछ । यसले छालासम्बन्धी रोग लाग्नबाट जोगाउँछ । कमलपित्त, अम्लपित्त, पायल्स, पेटभित्र आन्द्रामा घाउ आदि भएमा पनि सयपत्रीको चुर्णले ठिक गर्छ । महिलाहरुले महिनावारीको समयमा रजश्वला हुँदा रगत घटबढ हुने समस्या भएमा सयपत्री फूलको रस सेवनले महिनावारी नियमित बनाउँछ । यस्तै कलेजोको समस्याबाट आउने ज्वरोमा पनि सयपत्रीको चुर्ण पानीमा मिसाएर खाएमा फाइदा गर्छ । साथै रगतमा विकार बढेमा पनि यसको चुर्ण प्रयोग गरिन्छ । शरीरमा बढेको अत्यधिक गर्मीपन हटाउनको लागि सयपत्रीको चुर्ण पानीमा मिसाएर सेवन गरेमा लाभ मिल्छ ।

गुलाफ: गुलाफ फूल सबैको मन पर्ने फूलमध्ये एक हो । गुलाफमा धेरै प्रकारका एन्टिअक्सिडेन्ट गुणहरू पाइन्छ। साथै यो भिटामिनको प्रशस्त स्रोत हो। यसको प्रयोगले खानाको स्वाद मात्र बढाउँदैन। धेरै रोगको जोखिम पनि कम गर्छ। गुलाफ फूलको औषधीय गुणले भरिपूर्ण हुन्छ । सानो शिशी गुलाफ जलमा २ चिम्टी फिट्किरीको धूलो मिसाएर राख्नुहोस् र आँखा रातो भएमा, चिप्रा लागेमा, आँखा पोलेमा २–२ थोपा बिहान बेलुका हाल्दा ठीक हुन्छ । गर्मीले ओठ फुटेमा गुलाफको पात पिनेर दिनको २र३ पटक लेप लगाउँदा ठिक हुन्छ ।

सदाबहार फूल: सदाबहार फूल वा बाह्रमासे फूल को फूल मधुमेह रोगीका लागि वरदान भन्दा कम छैन । यसको फूलमा मधुमेह प्रतिरोधी गुण पाइन्छ । यी फूलहरूलाई एक कप पानीमा उमालेर छान्नुहोस्। यसलाई दैनिक खाली पेटमा पिउनाले रगतमा चिनीको मात्रा नियन्त्रण हुन्छ । बगैँचामा सदाबहार फूल सजिलै देख्न सकिन्छ । तर यसको फाइदाको अनभिज्ञताका कारण सबैले बेवास्ता गर्छन् । यो यस्तो फूल हो, जसले मधुमेह, क्यान्सर, कफ र घाँटी दुख्ने समस्यालाई हटाउन सक्छ । तथापि, यो एक विशेषज्ञ को सल्लाह मा मात्र प्रयोग गर्नुपर्छ, किनभने एलर्जी र वाकवाकी जस्तै केहि साइड इफेक्ट हुन सक्छ।