काठमाडौं। नेपाली राष्ट्रिय क्रिकेट टोलीका कप्तान सन्दिप लामिछानेमाथि बलात्कारको आरोप लागेसँगै नेपाली क्रिकेटमा तरंग आएको छ । यससँगै नेपाल क्रिकेट संघ (क्यान)ले बुधबार दिउँसो गर्ने भनेको नेपाल टि–२० लिग सम्बन्धी पत्रकार अन्तरक्रिया कार्यक्रम रद्द गरेको छ ।

क्यानले यो पत्रकार अन्तरक्रिया रद्द गर्नुको स्पष्ट कारण खुलाएको छैन । क्यानले प्राविधिक कारणले नेपाल टि–२० को बुधबार दिउँसो १ बजे हयात प्यालेसमा तय भएको पत्रकार अन्तरक्रिया कार्यक्रम रद्द गरिएको बताएको छ । तर, यो कार्यक्रम रद्द हुनुको पछाडि कप्तानमाथि लागेको आरोप कारक हुन सक्ने अनुमान गरिएको छ ।

बुधबार क्यानको आकस्मिक बैठक समेत बसेको बताइए पनि क्यानले यसको पुष्टि गरेको छैन । तर, स्रोतका अनुसार यो आकस्मिक बैठकको मुख्य एजेण्डा कप्तानमाथि लागेको आरोप हो । र, यो बैठकले कप्तान लामिछानेलाई तत्कालको लागि पदबाट निलम्बन गर्न सक्ने समेत अनुमान गरिएको छ ।

हेर्नुहोस् भिडियो :