काठमाडौं। बलात्कारको आरोप लागेका नेपाली राष्ट्रिय क्रिकेट टोलीका कप्तान सन्दिप लामिछाने अहिले क्यारेबियन देश सेन्ट लुसियामा छन् । उनी क्यारेबियन प्रिमियर लिग खेल्न त्यहाँ गएका हुन् ।

यसअघि केन्याको राजधानी नैरोबीमा केन्याविरुद्ध टि–२० सिरिज खेलेपछि उनी एकदिवसीय सिरिज खेलेका थिएनन् । उनी केन्याबाट सिधै क्यारेबियन प्रिमियर लिग खेल्न गएका थिए । हिजो मंगलबार मात्र उनले आफू आबद्ध टिम जमैका तलावाजको जर्सीमा आफ्नो फोटो शेयर गर्दै आफू क्यारेबियन पुगिसकेको जानकारी दिएका थिए ।

सन्दिप आबद्ध टिम जमैका तलावाजको अर्को खेल भोलि बिहान पौने ५ बजे सुरु हुनेछ । यो खेल सेन्ट लुसियाको राजधानी क्यास्ट्राइजबाट केही उत्तरतर्फ देशको उत्तरी छेउमा रहेको ग्रस आइलेटमा हुँदैछ । यहाँ जमैका तलावाजले सेन्ट लुसिया किंग्ससँग खेल्नेछ ।