काठमाडौटं । भारतीय क्रिकेट टिमका पूर्व कप्तान विराट कोहली आफ्नो शानदार लयमा फर्केका छन्। उनले एसिया कप २०२२ सिजनमा उत्कृष्ट प्रदर्शन गर्दै आफ्नो ७१ औं अन्तर्राष्ट्रिय शतक पनि बनाएका छन्। कोहलीको यो टी-२० अन्तर्राष्ट्रिय करियरको पहिलो शतक हो।

यो शतकपछि विराट कोहलीको बयान पहिलो पटक सामाजिक सञ्जालमा आएको छ । उनले केही तस्बिर सेयर गरेका छन् । उनले भनेका छन् – हामीले हाम्रा फ्यानहरूलाई भनेका छौं कि अर्को पटक हामी अझ राम्रो र बलियो गरी फर्कनेछौं। कोहलीले फ्यानहरुलाई धन्यवाद समेत दिएका छन् ।

केही तस्बिर सेयर गर्दै कोहलीले मुटु र तिरंगाको इमोजी बनाएका छन् । साथै उनले पोस्टमा लेखेका छन्, ‘एशिया कप अभियानमा तपाईंले दिनुभएको माया र समर्थनका लागि सबैलाई धन्यवाद। हामी राम्रो हुनेछौं र बलियो भएर फर्कनेछौं। वास्तवमा एसिया कपमा भारतीय टोलीले राम्रो प्रदर्शन गर्न सकेको छैन । यस्तो अवस्थामा कोहलीले टीम इन्डियाको बलियो पुनरागमनको कुरा मात्र गरिरहेका छन् ।

Thank you for all the love and support throughout the Asia Cup campaign. We will get better and come back stronger. Untill next time ❤️?? pic.twitter.com/yASQ5SbsHl

— Virat Kohli (@imVkohli) September 9, 2022

यसपटक भारतीय टोली एसिया कपबाट बाहिरिएको छ । उसले आफ्नो अन्तिम खेल बिहीबार (८ सेप्टेम्बर) अफगानिस्तानविरुद्ध खेलेको थियो, जसमा १०१ रनले विजयी भएको थियो। उक्त खेलमा कोहलीले अविजित १२२ रन खेलेका थिए । कोहलीले ८३ इनिङ्स र १०२० दिनपछि अन्तर्राष्ट्रिय क्रिकेटमा शतक बनाएका छन् ।

उनले यसअघि २३ नोभेम्बर २०१९ मा बंगलादेशविरुद्ध कोलकाता डे–नाइट टेस्टमा अन्तर्राष्ट्रिय शतक बनाएका थिए । जितपछि कोहलीले ब्रेकका कारण क्रिकेटबारे धेरै कुरा सिक्न पाएको बताए । कोहलीले ७० औं शतकपछि ७१ औं शतक बनाउन लामो समय कुर्नुपरेको छ । यस अवधिमा उनले तीनवटै फर्म्याट (टेष्ट, एकदिवसीय, टी-२०) गरी जम्मा ७३ खेल खेले।

यदि इनिङ्सलाई गणना गर्ने हो भने कोहलीले यस अवधिमा ८४ इनिङ खेलेका छन्, जसमा उनले २८३० रन बनाएका छन्, उनको औसत ३७.७३ रहेको छ। यो अवधिमा विराट कोहलीले २६ अर्धशतक बनाएका छन् र अहिले यो पहिलो शतक आएको छ । यो खराब चरणमा विराट कोहली पनि ९ पटक शून्य रनमा आउट भए ।