काठमाडौं । बलिउड अभिनेत्री उर्वशी रौतेलाको नाम अहिले पाकिस्तानी क्रिकेटर नसीम शाहसँग जोडिएको छ । उर्वशी भर्खरै एसिया कपमा भारतसँग पाकिस्तानको खेल हेर्दै स्टेडियममा देखिएकी थिइन् । त्यसयता सामाजिक सञ्जालमा नसीमको नाम उर्वशीसँग जोडिन थालेको छ ।

तर यी रिपोर्टमा पाकिस्तानी फास्ट बलर नसीम शाहले अब अगाडि आएर बयान दिएका छन् । उनले एक अन्तर्वार्तामा आफूले उर्वशीलाई नचिनेको खुलासा गरेका छन् । उनलाई उर्वशी को हो भन्ने पनि थाहा छैन । नसिम शाहले आफूलाई कसैले मन पराएको भए राम्रो कुरा भएको बताए । तर उनको योजना अहिले क्रिकेट खेल्ने हो ।

उर्वशीको प्रश्नमा नसीम शाहले भने, ‘यस्तो कुनै योजना छैन । तपाईको प्रश्नमा मुस्कान आउँदैछ किनकि मलाई उर्वशी को हो भन्ने थाहा छैन। उनले कस्तो भिडियो शेयर गरेकी छिन्, थाहा छैन । मेरो त्यस्तो कुनै योजना छैन । अहिलेको ध्यान क्रिकेटमा मात्रै छ । क्रिकेट मात्र राम्रो खेल्नुपर्छ ।

“I don’t know who is @UrvashiRautela” ? Pakistan pacer Naseem Shah on Viral Video of Him and Bollywood star #UrvashiRautela.#AsiaCup2022 #Pakistan #NaseemShah pic.twitter.com/KYZVDxlMRJ

— The Cricketer (@TheCricketerWeb) September 10, 2022

पाकिस्तानी युवा फास्ट बलरले भने, ‘इमानदारीपूर्वक भन्नुपर्दा मलाई यसबारे केही थाहा छैन । म मैदानमा आफ्नो खेल खेल्छु। मलाई कुनै विचार छैन। जो मैदानमा आएर खेल हेर्छन्, त्यो उनीहरुको माया हो । जसले मलाई मन पराउँछ, त्यो राम्रो कुरा हो। ममा खास केही छैन, तर जनताले माया गर्छन्, यो राम्रो कुरा हो।

वास्तवमा यो सबै कुरा उर्वशीको भिडियो सेयरसँगै सुरु भएको हो । उर्वशी ४ सेप्टेम्बरमा भारत–पाकिस्तान खेल हेर्न आएकी थिइन् । खेलपछि उर्वशीले नसीमको भिडियो आफ्नो इन्स्टाग्राम स्टोरीमा सेयर गरेकी छिन् । यस भिडियोमा नसीम मैदानमा हाँसेको देखिएकी छिन् भने उर्वशी उनलाई हेरेर लजाएको देखिन्छिन् ।

यो भिडियो उर्वशी रौतेलाको फ्यान पेजले बनाएको हो । उर्वशीले आफ्नो इन्स्टाग्राम स्टोरीमा यो कुरा सेयर गरेकी छिन् । भिडियो सार्वजनिक भएसँगै सामाजिक सञ्जालमा मिम्सको बाढी आएको छ । यसअघि उर्वशी र भारतीय क्रिकेटर ऋषभ पन्तको अफेयरको खबर आएको थियो । तर यी दुई बीच केही दरार थियो, जुन सबैलाई थाहा छ।