काठमाडौँ। किशोरावस्थामा कुनै पनि केटीको लागि कुनै सम्बन्धमा आएर गर्भवती हुनु धेरै डरलाग्दो खबर हुन सक्छ। त्यहि केटी २० देखि २४ वा २५ वर्षकी हुँदा अनिच्छित गर्भबाट बच्नेको लागि उपायबारे सोच्छन् र आफ्ना साथीहरूसँग पनि यसबारे कुरा गर्छिन्। तर केही समयपछि त्यहि युवतीका लागि गर्भवती हुनु संसारकै सबैभन्दा महत्वपूर्ण कुरा बन्न पुग्छ। उनी जहिले पनि चाँडोभन्दा चाँडो आमा बन्न चाहन्छिन्। आमा बन्नु संसारको हरेक महिलाको लागि एक धेरै सुन्दर अनुभूति हो, तर यसले धेरै चुनौती र कठिनाइहरू पनि ल्याउँछ।

आजको समयमा खराब जीवनशैली र खानपानका कारण महिलाको प्रजनन क्षमतामा नराम्रो असर परिरहेको बेला धेरै महिलाहरुलाई गर्भधारण गर्नको लागि कठिनाइको सामना गर्नुपरेको छ। त्यसैगरी, कतिपय महिलाहरु यस्ता छन् जो सजिलै गर्भवती हुन्छन्। यस्तो अवस्थामा हामी तपाईलाई ती सात लक्षणका बारेमा बताइरहेका छौँ जसले तपाईमा कत्तिको प्रजनन क्षमता देखाउँछ ।

उमेर २० देखि २५ वर्षको हुनु – अहिलेसम्मको विश्वव्यापी अनुसन्धानमा २० देखि २४ वर्षको उमेरमा कुनै पनि महिलामा सबैभन्दा राम्रो प्रजनन क्षमता हुने कुरा बाहिर आएको छ। यद्यपि, प्रजनन क्षमताको लागि उमेर सीमा सबै महिलाहरूको लागि समान हुँदैन र फरक हुन सक्छ। तर उमेरसँगै प्रजनन क्षमता बिस्तारै घट्दै गएको अनुसन्धानमा देखाएको छ ।

महिनावारी नियमित हुनु – हामी सबैमा महिनावारी चक्र कहिलेकाहीँ गडबड हुन्छ जुन सामान्य कुरा हो तर धेरै गडबड भयो भने यो तनावको विषय हुन सक्छ। अर्कोतर्फ, यदि तपाइँ ती व्यक्तिहरू मध्ये एक हुनुहुन्छ जसको महिनावारी हरेक महिना समयमै हुन्छ र तपाइँको महिनावारी एकदम सही छ भने यो तपाइँमा धेरै प्रजनन क्षमताको संकेत हो।

जीन्सको सम्बन्ध – जब तपाइँ गर्भावस्थाको बारेमा कुरा गर्नुहुन्छ, तपाइँ प्रायः अन्य महिलाहरुबाट वा उनीहरुका नजिकका व्यक्तिहरुबाट गर्भावस्थाको कठिनाइ वा सहजताको बारेमा सुन्नु भएको होला। तर पारिवारिक इतिहासको आधारमा, महिलाको प्रजनन क्षमताको बारेमा अनुमान गर्न धेरै गाह्रो हुन्छ।

वजाइनल डिस्चार्ज – यदि महिनावारी चक्रको बीचमा योनिबाट स्पष्ट, गन्धरहित पाठेघरको म्यूकस डिस्चार्ज छ भने, यो राम्रो संकेत हो। यसको मतलब तपाईको पाठेघरले शुक्रकीटको सहज आन्दोलन र प्रत्यारोपणमा मद्दत गर्दछ र यो गर्भावस्थाको प्रारम्भिक चरणको लागि धेरै महत्त्वपूर्ण छ।

प्रि मेन्सुरेसन सिन्ड्रोमको लक्षण – मुड स्विङ्, बारम्बार खान आग्रह, तल्लो पेट दुखाइ, थकान, चिडचिडापन र अवसाद पीएमएस प्रि मेन्सुरेसन सिन्ड्रोमको लक्षण हुन्। प्रत्येक चार महिलामध्ये तीन जनाले महिनावारीको समयमा यस्ता लक्षणहरू अनुभव गर्छन्। यो अवस्था तपाईलाई राम्रो लाग्दैन तर यो प्रजनन क्षमताको संकेत हो। यी लक्षणहरूले तपाईंको शरीरले काम गरिरहेको छ भन्ने बुझाउँछ। तर, अत्याधिक दुखाइ भएमा चिकित्सकलाई देखाउनुपर्छ।