काठमाडौं । न्युजिल्याण्ड क्रिकेट टोलीले १९ वर्षको लामो प्रतिक्षापछि पाकिस्तान भ्रमण गर्ने भएको छ । न्यूजिल्याण्डको टोलीले पाकिस्तानमा दुई टेष्ट, आठ एकदिवसीय र पाँच टी–२० अन्तर्राष्ट्रिय खेल खेल्नेछ ।

यी दुई टेस्ट म्याच आईसीसी विश्व टेस्ट च्याम्पियनसिपको हिस्सा हुनेछन्। पहिलो टेस्ट डिसेम्बर २७ देखि ३१ डिसेम्बरसम्म कराँचीमा हुनेछ । दोस्रो टेस्ट अर्को वर्ष जनवरी ४ देखि ८ जनवरीसम्म मुल्तानमा हुनेछ ।

कराचीमा जनवरी ११, १३ र १५ मा तीन एकदिवसीय खेल हुनेछ ।

यसपछि अप्रिलमा न्युजिल्यान्ड क्रिकेट टोली फेरि पाकिस्तान जानेछ र यस अवधिमा पाँचवटा टी–२० अन्तर्राष्ट्रिय खेल खेल्नेछ । एकदिवसीय शृंखलाका बाँकी ५ खेल लाहोर र रावलपिण्डीमा हुनेछन् ।