काठमाडौं । न्यूजिल्याण्ड विरुद्धको खेलमा इंग्ल्यान्डका ब्याट्सम्यान जोस बटलरले आफ्नो नाममा दुई कीर्तिमान बनाएका छन् । उनी टी–२० अन्तर्राष्ट्रिय क्रिकेटमा इंग्ल्याण्डका लागि सर्वाधिक रन बनाउने खेलाडी बनेका छन् ।

यो मामिलामा उनले इंग्ल्याण्डका पूर्व कप्तान इयोन मोर्गनको कीर्तिमान तोडेका छन् । यसबाहेक उनले विकेटकिपरका रूपमा सय छक्का प्रहार गर्ने कीर्तिमान पनि बनाएका छन् ।

जोस बटलरले न्यूजिल्याण्डविरुद्ध ४७ बलमा ७३ रन बनाएका थिए । यस इनिङ्समा उनले सात चौका र दुई छक्का प्रहार गरे ।

जोस बटलरले टी–२० अन्तर्राष्ट्रिय क्रिकेटमा ३३.८० को औसतमा २४६८ रन बनाएका छन् । यसअघि इयोन मोर्गनको नाममा २४५८ रनको कीर्तिमान थियो ।