काठमाडौं । अस्ट्रेलियाका पूर्व अलराउन्डर शेन वाट्सनले टी–२० विश्वकपको फाइनलमा भारत र पाकिस्तानबीच हुने सम्भावित भिडन्तलाई लिएर सबै उत्साहित रहेको बताएका छन् ।

अष्ट्रेलियामा जारी टी–२० विश्वकपको सेमिफाइनलमा भारत र पाकिस्तानका टोली प्रवेश गरेका छन् । सेमिफाइनलमा पाकिस्तानले पहिले न्युजिल्यान्डको सामना गर्नेछ भने अर्को दिन भारतले इंग्ल्याण्डसँग खेल्नेछ ।

फाइनलमा भारत र पाकिस्तानको टोली आमनेसामने हुन सक्ने अनुमान गरिएको छ । सन् २००७ मा दक्षिण अफ्रिकामा भएको पहिलो टी–२० विश्वकपको फाइनल भारत र पाकिस्तानबीच भएको थियो ।

महेन्द्र सिंह धोनीको कप्तानीमा रहेको भारतीय टोलीले पाकिस्तानलाई हराउँदै उपाधि जितेको थियो । त्यसयता भारतको टोलीले टी–२० विश्वकपको उपाधि जित्न सकेको छैन ।

हालको टी–२० विश्वकपमा पाकिस्तानको पुनरागमन क्रिकेटप्रेमीका लागि सपना जस्तै भएको छ । यस विश्वकपमा पाकिस्तान पहिलो खेलमा भारतसँग र दोस्रो खेलमा जिम्बावेसँग पराजित भएको थियो ।

पाकिस्तानी टोलीलाई सेमिफाइनलमा पुग्न कठिन हुने क्रिकेट विज्ञहरूले विश्वास गर्न थालेका थिए । तर पाकिस्तानले बाँकी खेल जित्ने मात्रै होइन, एउटा महत्वपूर्ण खेलमा नेदरल्याण्ड्सले दक्षिण अफ्रिकालाई हराएर पाकिस्तानको बाटो सफा गरेको थियो ।

अस्ट्रेलियाका पूर्व क्रिकेटर शेन वाट्सनले भारत र पाकिस्तानलाई फाइनलमा हेर्न सबैले चाहेको बताएका छन् । उनले सन् २००७ को फाइनलमा पनि दुवै टोली आमनेसामने भएको र यसपटक पनि दुवै टोलीले फाइनल खेलेको जनताले हेर्न चाहेको बताए ।

तर यसका लागि पाकिस्तानले सेमिफाइनलमा न्युजिल्यान्डलाई हराउनुपर्नेछ र त्यसपछि भारतले इङ्ल्यान्डलाई पनि जित्नुपर्नेछ । न्युजिल्यान्डले आफ्ना उत्कृष्ट ब्याट्सम्यान र फास्ट बलरसहित मैदानमा उत्रने छ भने पाकिस्तानले पनि आफ्ना चर्चित बलरबाट राम्रो प्रदर्शनको अपेक्षा गर्नेछ ।

शेन वाटसनले जसरी सेमिफाइनलमा स्थान बनाएका छन्, त्यो उनीहरूको पक्षमा जाने र सेमिफाइनलमा उनीहरूले अझै स्वतन्त्रतापूर्वक खेल्ने विश्वास व्यक्त गरे । उनले धेरै प्रतियोगितामा कुनै न कुनै रूपमा टोली फाइनल पुगेर उपाधि जित्ने बताए ।

शेन वाटसनले पाकिस्तानको टोली न्युजिल्यान्डका लागि खतरनाक साबित हुनसक्ने बताएका छन् । शेन वाट्सन बाहेक धेरै पूर्व क्रिकेटर र विज्ञहरूले भारत र पाकिस्तानबीचको फाइनलको भविष्यवाणी गरिरहेका छन् ।

दक्षिण अफ्रिकाका पूर्व क्रिकेटर एबी डिभिलियर्सले ट्विटरमा भोट सुरु गरेका छन् । ७५ प्रतिशत जनताले भारत र पाकिस्तानबीचको फाइनलको पक्षमा मतदान गरेका छन् ।

भारतका पूर्व स्पिनर हरभजन सिंहले लेखेका छन्– अचानक विश्वकप फेरि जीवन्त भएको छ । पाकिस्तानी टोली सेमिफाइनलमा पुगेको छ । भारत र पाकिस्तान बिचको फाइनलको बारेमा के विचार छ ?

वरिष्ठ पत्रकार राजदीप सरदेसाईले पनि पाकिस्तानको प्रदर्शनले सन् १९९२ को विश्वकपको याद दिलाएको लेखेका छन् नत्र सन् २००७ मा जस्तै फाइनलमा भारत र पाकिस्तान आमने सामने हुनेछन् ।

क्रिकेट पत्रकार बोरिया मुजुमदारले भारत र पाकिस्तानबीचको फाइनलले यस विश्वकपलाई उत्कृष्ट बनाउन सक्ने लेखेका छन् ।

सुरुमा पाकिस्तानको प्रदर्शनबाट रिसाएका पूर्व क्रिकेटर शोएब अख्तर अहिले भारत र पाकिस्तानबीचको फाइनलको लागि लबिङ गरिरहेका छन् ।

भारतका पूर्व क्रिकेटर तथा कमेन्टेटर आकाश चोपडाले पाकिस्तान सेमिफाइनलमा पुग्नुअघि पाकिस्तानको टोली सेमिफाइनल पुगे पक्कै फाइनल खेल्ने बताएका थिए ।