काठमाडौं । टी–२० विश्वकपको सेमिफाइनलअघि दक्षिण अफ्रिकाका लिजेण्ड एबी डिभिलियर्सले कुन टोलीले विश्वकप जित्छ भन्ने बारेमा भविष्यवाणी गरेका छन् ।

उनले यसपटक भारतले टी–२० विश्वकप जित्ने बताए । पत्रकारको प्रश्नको जवाफ दिँदै उनले सेमिफाइनलमा भारतले इंग्ल्याण्डलाई हराए फाइनलमा पुग्ने पक्का भएको बताए ।

समाचार एजेन्सी एएनआईसँग कुरा गर्दै एबी डिभिलियर्सले टी–२० विश्वकपको फाइनल खेल भारत र न्युजिल्यान्डको टोलीबीच हुने बताए । उनले भने – भारतका सूर्यकुमार यादव र विराट कोहली उत्कृष्ट लयमा छन् ।

टी–२० विश्वकपको पहिलो सेमिफाइनल पाकिस्तान र न्युजिल्याण्डबीच सिड्नीमा हुनेछ भने दोस्रो सेमिफाइनलमा भारतले इङ्ल्यान्डको सामना गर्नेछ ।