काठमाडौँ। नेपालका धेरै मानिसहरु उच्च रक्तचापको रोगबाट पीडित छन् र यो संख्या दिनप्रतिदिन बढिरहेको छ। आजको समयमा, यो समस्या हरेक उमेर समूहका मानिसहरूमा देख्न सकिन्छ। खराब जीवनशैली, अस्वस्थ खानपान र तनावले उच्च रक्तचाप निम्त्याउन सक्छ, जसले हृदय रोगको जोखिम पनि बढाउँछ।त्यस्तै यसको एक मुख्य कारण अत्यधिक नुन सेवन गर्नु हो। नुनले रक्तचापमा नकारात्मक असर पुर्याउने गर्दछ।

विश्व स्वास्थ्य सङ्गठन (डब्लुएचओ)का अनुसार दिनमा पाँच ग्रामभन्दा बढी नुन सेवन गर्दा उच्च रक्तचापको सम्भावना बढ्छ, जसले भविष्यमा मुटुसम्बन्धी रोग निम्त्याउन सक्छ। अमेरिकन जर्नल अफ क्लिनिकल न्यूट्रिशनमा प्रकाशित एक अध्ययन अनुसार प्रत्येक प्रकारको खानामा सामान्यतया ३.८ ग्राम हुन्छ, जसले खाना खाएपछि रक्तनली खोल्ने क्षमतालाई असर गर्छ।

अन्वेषकहरूले पत्ता लगाए कि खानामा अधिक नुन सेवन गर्नाले धमनीहरू साँघुरो हुन्छ र रक्त प्रवाहलाई असर गर्छ। अचम्मको कुरा के छ भने यो अवस्था खाना खाएको आधा घण्टापछि मात्रै देखिन थाल्छ ।

धेरै नुनले शरीरलाई हानि पुर्‍याउँछ
खानामा नुन (सोडियम क्लोराइड) को सेवनले रक्तचाप, उच्च रक्तचाप र सामान्य मुटु रोगको जोखिम बढाउँछ। कुनै पनि व्यक्तिले दिनभरि कुनै पनि अवस्थामा पाँच ग्रामभन्दा बढी नुन खानुहुँदैन र दिनभर करिब दुई ग्राम नुन मात्र शरीरमा जावस भन्ने प्रयास गर्नुपर्छ। अमेरिकन हार्ट एसोसिएसनका अनुसार दैनिक १.५ ग्रामभन्दा बढी नुन उच्च रक्तचापबाट पीडित व्यक्तिका लागि हानिकारक हुन सक्छ।

त्यस्तै, डब्ल्यूएचओ पनि भन्छ कि पाँच ग्राम नुन (एक चौथाई चम्चा नुन) मा दुई ग्राम सोडियम हुन्छ। कुनै पनि वयस्क व्यक्तिले दैनिक दुई ग्रामभन्दा बढी सोडियम खानु हुँदैन। अर्थात् दैनिक पाँच ग्रामभन्दा बढी नुन खानु स्वास्थ्यका लागि हानिकारक हुन्छ।

बिना नुन स्वादिलो ​​खाना पनि नमिठो हुन्छ। खानाको स्वाद मात्र नभएर नुनले शरीरलाई धेरै फाइदा पुर्याउने पनि गर्दछ। यसबाट हामीले आयोडिन प्राप्त गर्छौं। यसले थाइरोइड ग्रंथिलाई नियमित गर्छ र शरीरमा तरल पदार्थको मात्रा सन्तुलनमा राख्छ। यसका धेरै फाइदाहरू छन् तर यसको अत्याधिक प्रयोगले शरीरलाई नराम्ररी हानि पुर्‍याउँछ।

तपाईंले दिनमा कति सोडियम खपत गरिरहनुभएको छ भन्ने कुरामा ध्यान दिनुपर्छ। यदि तपाईंले आफ्नो खानामा नुनको प्रयोग सीमित गर्नुभयो भने, तपाईं धेरै रोगहरूबाट बच्न र स्वस्थ जीवनको आनन्द लिन सक्नुहुन्छ।