काठमाडौं । महिलाहरूको जीवनमा प्रजनन स्वास्थ्यका कुरामा धेरै नै समस्याहरु देखा पर्ने गर्दछ । आजको व्यस्त जीवनशैलीमा धेरै दम्पतीले बाँझोपनको समस्याको सामना गरिरहेको हामीले देखे भोगेका छौं । गर्भावस्थाको लागि तयारी गर्न र प्रजनन क्षमता बढाउनको लागि पुरुष र महिला दुवैलाई स्वस्थ वजन कायम राख्न आवश्यक छ।

महिलाहरूले प्रजनन क्षमताको लागि सुरक्षित र लाभदायक सुपरफूड छन् । जसलाई पोषणविद्हरुले महिलाको प्रजनन क्षमता बढाउन सहयोग गर्ने बताउँछन्। आज तिनीहरू पोषक तत्वपूर्ण खानेकुराहरुका बारेमा जानकारी दिदैंछौं।

महिलाहरुले आफ्नो प्रजनन क्षमता बढाउनका लागि जीवनशैली र आहार परिवर्तन गर्न आवश्यक हुन्छ । गर्भावस्थाको लागि योजना गर्दै हुनुहुन्छ भने, पोषणविद् द्वारा सिफारिस गरिएको केही सुपरफुडहरू खान सक्नुहुन्छ । जसले प्रजनन क्षमता बढाउन र गर्भधारणलाई सजिलो बनाउँदछ।

महिलामा प्रजनन क्षमता बढाउने सुपरफुड:

नेभारा–पोषणविद्हरूको सूचीमा महिलाको प्रजनन क्षमता बढाउने पहिलो सुपरफुड नेभारा हो। यसलाई इन्सुलिन–कम गर्ने फलको रुपमा विशेष गरेर खाने गरिन्छ । नेभारा बाँझोपनका लागि धेरै नै उपयोगी फल हो । निभारमा भएको पोषक तत्वले महिलाहरूमा प्रजनन क्षमता बढाउन मद्दत गर्दछ।

अनार– अनारमा एन्टिअक्सिडेन्ट र अन्य आवश्यक पोषक तत्वहरू जस्तै भिटामिन सी, भिटामिन के, फोलेटको मात्रा धेरै नै पाइन्छ। अनारमा पाइने फोलेट र जिंकले महिला र पुरुष दुवैको प्रजनन क्षमता बढाउन मद्दत गर्छ। तिनीहरूले तपाईंलाई मुक्त रेडिकलहरूबाट छुटकारा पाउन मद्दत गर्छन्। जुन अण्डा कोषहरू र शुक्राणु दुवैलाई क्षति पुर्‍याउँछ। फलफूल, तरकारी, अनाज र नट जस्ता खाद्य पदार्थहरू यी लाभकारी एन्टिअक्सिडेन्टहरूले भरिएका हुन्छन्।

काजू– अध्ययनका अनुसार काजूमा प्रशस्त मात्रामा जिंक हुन्छ। जुन शरीरलाई बलियो बनाउनका साथै प्रजनन क्षमता बढाउन आवश्यक हुन्छ। काजू बाहेक दाल, चना, ओटमिल, दही, टोफु र डार्क चकलेट पनि आफ्नो आहारमा समावेश गर्न सक्नुहुन्छ।

दालचीनी– दालचीनीले चियाको स्वाद बढाउन सक्छ, तर के तपाईंलाई थाहा छ कि तपाईंको आहारमा दालचीनीको प्रयोगले प्रजनन क्षमता बढाउन सक्छ ? यो मसलाले पाचन प्रक्रियाको लागि फाइदा गर्दछ । यसले महिलाको अनियमित महिनावारीमा समेत नियमित गराउँदछ ।

गाईको दूध–पोषणविद्का अनुसार गर्भावस्थाको समयमा प्रजनन क्षमता बढाउन गाईको दूध सिफारिस गर्छन्। स्वास्थ्य विज्ञहरूका अनुसार दुधमा राम्रो मात्रामा स्याचुरेटेड फ्याट हुन्छ, जसले प्रजनन क्षमता बढाउनमा महत्त्वपूर्ण भूमिका खेल्छ। यस बाहेक यसमा भिटामिन ए, भिटामिन ई, भिटामिन डी, भिटामिन के र भिटामिन के २ जस्ता बोसो घुलनशील भिटामिनहरू पनि हुन्छन्। जसले महिलाको प्रजनन क्षमतालाई बढाउन महत्वपूर्ण हुने गर्दछ ।