काठमाडौं । आजको व्यस्त जीवनशैली वा दिनहुँको दौडधुपमा, मानिसहरू थकित र दुखी महसुस हुने गरेको गुनासो गर्छन्। बढ्दो उमेर र आरामको कमीका कारण यो सामान्य हुन सक्छ तर आजकल सबै उमेरका मानिसलाई यो समस्याले घेरेको छ ।

स्वास्थ्य विज्ञहरूका अनुसार खराब खानपान र खराब जीवनशैलीका कारण यस्तो हुनसक्छ । यदि तपाई पनि दिनभरि थकित र कम ऊर्जा महसुस गर्नुहुन्छ भने, हामीले यसको लागि सही र प्राकृतिक उपाय ल्याएका छौं। केही यस्ता खानेकुराहरु खानामा समावेश गर्नाले दिनभरि आनन्दित र ऊर्जावान महसुस गर्न सकिन्छ।

दिनभर ऊर्जावान र खुसी रहन खानामा यी खानेकुरा समावेश गर्नुहोस्:

फलफूल र हरियो पत्तेदार तरकारी: हरियो पातदार तरकारीमा फोलेट लगायतका धेरै फाइदाजनक पोषक तत्वहरू पाइन्छ। सिट्रस फलफूल ऊर्जा बढाउनमा धेरै सहयोगी हुन्छ। जसको सेवनले डिप्रेसन जस्ता गम्भीर समस्याको जोखिम पनि कम हुन्छ । हरियो सागसब्जी र फलफूल जस्तै पालक, मेथी, धनिया, कागती र सुन्तला नियमित खानामा राख्न सक्नुहुन्छ ।

कफी: कफी संसारभरि सबैभन्दा मनपर्ने पेय पदार्थ मध्ये एक हो। कफी सही तरिकाले सेवन गर्नाले शरीरको मेटाबोलिज्म लेभल पनि सही रहन्छ र धेरै रोगको जोखिमबाट बच्न सकिन्छ। यस्तो अवस्थामा दिनभर ऊर्जावान बन्न कफीको सेवन गर्न सक्नुहुन्छ।

पानी: पर्याप्त मात्रामा पानी पिउँदा तपाई दिनभर हाइड्रेटेड रहनुहुन्छ। जसका कारण तपाईलाई कम थकान हुन्छ र दिनभर ऊर्जावान महसुस हुन्छ। पानी पिउनु स्वास्थ्यको लागि धेरै महत्त्वपूर्ण छ। जसले शरीरलाई डिहाइड्रेसन र कमजोर मेटाबोलिज्मको समस्याबाट बचाउँछ । दिनभर ऊर्जा स्तर कायम राख्न मद्दत गर्दछ।

डार्क चकलेट: यो सबै चकलेट प्रेमीहरूको लागि खुसीको खबर हो। डार्क चकलेट उपभोग गर्नाले तुरुन्तै तपाईंको मुड उठाउन सक्छ र कम ऊर्जा स्तर बढाउन सक्छ। डार्क चकलेटमा क्याफिन र थियोब्रोमाइन हुन्छ। जुन ऊर्जाको स्तर तुरुन्तै बढाउनमा प्रभावकारी हुन्छ।