काठमाडौं । कतारमा जारी फिफा विश्वकपको पहिलो क्वाटरफाइनल अन्तर्गतको पहिलो खेलमा ब्राजिललाई हराउँदै क्रोएसिया सेमिफाइनलमा प्रवेश गरेको छ ।

पेनाल्टी सुटआउटमा ब्राजिललाई पराजित गर्दै विश्वकप २०१८ को उपविजेता क्रोएसिया सेमिफाइनलमा गएको हो । अतिरिक्त समयमा दुवै टोलीले एक/एक गोल गरेपछि खेल पेनाल्टीमा गएको थियो । पेनाल्टीमा ४–२ को जित निकाल्दै क्रोएसिया सेमिफाइनलमा गएको हो ।

क्रोएसियाले सेमिफाइनलमा अर्जन्टिना र नेदरल्याण्डस्बीचको विजेतासँग प्रतिष्पर्धा गर्नेछ ।