काठमाडौं । भारतीय ब्याट्सम्यान इशान किशनले एकदिवसीय क्रिकेटमा सबैभन्दा छिटो दोहोरो शतकको किर्तिमान बनाएका छन् । शनिबार बंगलादेशविरुद्धको एकदिवसीय सिरिजको तेस्रो खेलमा भारतीय ओपनर इशानले यो रेकर्ड बनाएका हुन् ।

इशानले सबेभन्दा छिटो १२६ बलमा दोहोरो शतक बनाउँदै यो विश्वकिर्तिमान बनाएका हुन् । यसअघि यो रेकर्ड वेष्ट इण्डिजका क्रिस गेलको नाममा थियो । गेलले २०१५ को विश्वकपमा अस्ट्रेलियाको क्यानबेरा मैदानमा जिम्बाब्बेविरुद्ध १३८ बलमा दोहोरो शतक बनाएका थिए । यो सूचीमा तेस्रो स्थानमा भारतकै वीरेन्द्र सहवाग छन् । उनले २०११ मा वेष्ट इण्डिजविरुद्ध १४० बलमा दोहोरो शतक बनाएका थिए ।