काठमाडौं । अष्ट्रेलियाको घरेलु टी–२० लिग बिग ब्यास लिग (बीबीएल)मा सिड्नी थन्डर १५ रनमै अलआउट भएको छ । सिड्नीमा भएको खेलमा १४० रनको लक्ष्य पछ्याएको सिड्नी ३५ बलमा १५ रनमै समेटिएको हो ।

एडिलेड स्ट्राइकर्सले दिएको १४० रनको लक्ष्य पछ्याएको सिड्नीका ५ जना ब्याटर शुन्य रनमा आउट भए । यस्तै कुनै पनि ब्याटरले दोहोरो रन बनाउन सकेनन् । सिड्नीका ब्रेन्डन दोगेटले ४ रन बनाए । एडिलेडका हेनरी थर्नटनले ५ विकेट तथा वेस अगरले ४ विकेट लिए ।

यसअघि टस जितेर ब्यटिङ गरेको एडिलेडले निर्धारित २० ओभरमा ९ विकेट गुमाएर १३९ रन बनायो । एडिलेडका क्रिश लिनले सर्वाधिक ३६ रन बनाए । यस्तै कोलिन डि ग्राण्डहोमले ३३ रन बनाए । सिड्नीका फजलहक फरुकिले ३ विकेट लिए ।