काठमाडौं । तीन खेलको टेष्ट सिरिजको अन्तिम खेलमा इंग्ल्याण्डले पाकिस्तानलाई ८ विकेटले पराजित गर्दै सिरिज ३–० ले जितेको छ । पाकिस्तानले आफ्नै भूमिमा टेस्ट सिरिजमा लज्जास्पद हार बेहोरेको यो पहिलो पटक हो ।

कराँचीमा भएको तेस्रो खेलमा पाकिस्तानले पहिले ब्याटिङ गर्दै ३ सय ४ रन बनाएको थियो । यससँगै इंग्ल्याण्डले आफ्नो पहिलो इनिङ्समा ३५४ रन बनाएर ५० रनको अग्रता लिएको थियो ।

यसपछि पाकिस्तानले दोस्रो इनिङ्समा २१६ रन बनाएको थियो । जसमा कप्तान बाबर आजम र साउद शकीलले अर्धशतक बनाए । ५० रनको अग्रता घटाउँदै इङ्ल्यान्डले १६७ रन मात्र जोड्नु परेको थियो, जुन टोलीले दुई विकेट गुमाएर सजिलै पूरा गरेको थियो।