काठमाडौं । ऋषभ पन्तको स्वास्थ्यबारे सोधिएको प्रश्नमा दिल्ली र जिल्ला क्रिकेट संघ (डीडीसीए)का सहसचिव राजन मनचन्दले डाक्टरको रिपोर्टअनुसार पन्तलाई दिल्ली लैजाने बताएका छन् ।

उनले समाचार एजेन्सी एएनआईलाई भने, “प्लास्टिक सर्जरी गर्ने निर्णय बीसीसीआईले लिनेछ। हामी ड्राइभर सुशीललाई पनि सम्मान गर्नेछौं। ऋषभ पन्तको अहिलेसम्मको रिपोर्ट अनुसार उनलाई गम्भीर चोट लागेको छैन।”

“हामी आशावादी छौं कि उनी दुई महिनामा मैदानमा हुनेछन्। डीडीसीए निर्देशक श्याम शर्मा ऋषभ पन्तलाई भेट्न देहरादुन पुगेका छन् र बीसीसीआइले ऋषभ पन्तलाई उत्तम उपचार प्रदान गरिरहेको छ।”

यसअघि डीडीसीएका निर्देशक श्याम शर्माले क्रिकेटर ऋषभ पन्तलाई प्लास्टिक सर्जरीका लागि दिल्ली ल्याउन सकिने बताएका थिए ।

श्याम शर्माले भने, ‘डीडीसीएको टोली देहरादुनको म्याक्स अस्पताल जानेछ र ऋषभ पन्तको हालको अवस्थाबारे जानकारी लिनेछ। आवश्यक परे प्लास्टिक सर्जरीका लागि हवाई मार्गबाट ​​दिल्ली ल्याइनेछ ।

ऋषभ पन्त उत्तराखण्डको हरिद्वार जिल्लाको रुड़की शहर नजिक शुक्रबार सडक दुर्घटनामा परी घाइते भएका छन् ।

यो सडक दुर्घटनापछि उनलाई रुड़कीको सिभिल अस्पतालमा भर्ना गरिएको थियो ।

उनको यही अस्पतालमा प्रारम्भिक उपचार गरिएको थियो । यसपछि उनलाई देहरादूनको म्याक्स अस्पताल पठाइएको छ ।

बीसीसीआईले शुक्रबार दिउँसो ऋषभको निधारमा दुईवटा चोट लागेको र दाहिने खुट्टाको लिगामेन्ट च्यातिएको, दाहिने हातको कलाई, कुर्कुच्चा, औंलामा चोट लागेको बताएको थियो । यससँगै घिसार्दा उनको ढाडमा चोट लागेको छ ।