काठमाडौं । पहिलो संस्करणको नेपाल टी–ट्वान्टी लिगमा विराटनगर सुपर किंग्सले फार वेस्ट युनाईटेडलाई पराजित गरेको छ ।

टियु मैदान किर्तिपुरमा फार वेस्टले दिएको १ सय ५७ रनको लक्ष्य विराटनगरले १९.३ ओभरमा ४ विकेट गुमाएर पुरा ग¥यो । विराटनगरका रोहित पौडेलले ६० तथा प्रदीप ऐरीले ४० रन बनाए ।

त्यसअघि ब्याटिङ रोजेको फार वेस्टले २० ओभरमा ९ विकेट गुमाएर १ सय ५६ रन बनायो । फार वेस्टका लागि बिनोद भण्डारीले ४५ रन बनाए । विराटनरगका शहाब आलमले ३ तथा कियोन जोसेफले २ विकेट लिए ।

विराटनगर ६ अंकका साथ अंक तालिकामा पुछारबाट दोस्रो स्थानमा रहेको छ । फार वेस्ट २ अंकका साथ अंक तालिकाको पुछारमा रहेको छ । हारसँगै फार वेस्टको प्लेअफ सम्भावना कमजोर बनेको छ । पहिलो संस्करणको लिगमा ६ टोलीको सहभागिता रहेको छ ।