काठमाडौं । एकजना डेलिभरी ब्वाय सामान लिन ग्राहकको घर गए । तर ढोका नजिक पुग्ने बित्तिकै उनलाई खतरनाक दुर्घटना भयो । जमिन भासिँदा उनी सेप्टिक ट्याङ्कीको खाडलमा फसेका थिए । खाडल करिब ७ फिट गहिरो थियो । डेलिवरी ब्वायले त्यहाँबाट निस्कने धेरै प्रयास गरे तर असफल भए । पछि उनलाई हेलिकप्टरबाट उद्धार गरिएको थियो ।

डेलिभरी ब्वायको नाम चार्ल्स एमिक्जेल हो। उनले हालै टिकटकमा आफ्नो एउटा भिडियो सेयर गरेका छन् । यसमा उनी गहिरो खाडलमा देखिएका छन् । चार्ल्सले भने कि उनी ढोकाको नजिक पुग्दा जमिन भित्र पसे र उनी सेप्टिक ट्यांकमा खसे। पछि प्रहरी र दमकललाई सहयोगको लागि बोलाए, जसले उनको उद्धार गरे।

भिडियोमा, चार्ल्सले भनेका छन् कि फायर डिपार्टमेन्टले घटनास्थलमा हेलिकप्टर पठायो र उनलाई ‘खतरनाक अवस्था’ बाट बाहिर निकाल्न एउटा भर्याङ खसाल्यो। यस सीढीको सहायताले चार्ल्स सेप्टिक ट्याङ्कीको खाडलबाट बाहिर निस्किए।

अमेजन डेलिभरी ब्वायको रूपमा काम गर्ने चार्ल्सले भने- म खाडलबाट बाहिर निस्कन खोज्दै थिए तर माटो खसेको थियो। म एकदम डराएको थिएँ। म यहिँ पुरिन्छु जस्तो लाग्यो । मसँग डेलिभरी गर्न थप अर्डरहरू थिए।

तर, पछि चार्ल्सका सहकर्मीहरू पनि घटनास्थलमा पुगे । उनीहरूले कार्यालयलाई जानकारी गराए र अर्डर दिन ढिलाइ हुने बताए । एकै समयमा, सयौं प्रयोगकर्ताहरूले चार्ल्सको भिडियोमा प्रतिक्रिया दिएका छन्।

एक टिकटक प्रयोगकर्ताले भने- मेरो साथी होसियारीपूर्वक डेलिभरी गर। अर्कोले लेखे– कम्पनीले चार्ल्सको तलब बढाउनुपर्छ । तेस्रोले भने– सन्तोषको कुरा हो कि उनलाई चोट लागेन ।