काठमाठौं । आइसीसी विश्वकप लिग २ अन्तर्गत आज पपुआ न्यू गिनीविरुद्धको खेलमा नेपालले टस जितेर फिल्डिङ रोजेको छ । आजको खेल दुबइ अन्तर्राष्ट्रिय क्रिकेट रंगशालामा हुँदैछ ।

दुबइमा नेपालले पपुआ न्यू गिनी र युएइसँग ४–४ खेल खेल्नेछ । यसअघि नेपालले किर्तिपुरमा भएको नामिबिया र स्कटल्याण्डसँगको त्रिदेशीय सिरिजमा सबै खेल जितेको थियो ।

लिगको अंक तालिकामा नेपाल २६ अंकसहित छैटौं स्थानमा छ । यो लिगका शीर्ष ३ टिमले आगामी एकदिवसीय विश्वकपको छनोटमा सिधै प्रवेश पाउँछन् । स्कटल्याण्ड र ओमन शीर्ष ३ मा पुगिसकेका छन् । बाँकी एक स्थानको लागि नेपाल, नामिबिया, युएइ र अमेरिका प्रतिस्पर्धामा छन् ।