काठमाडौं । दिल्ली क्यापिटल्स महिला प्रिमियर लिगको फाइनलमा पुग्ने पहिलो टोली बनेको छ । लिगको अन्तिम खेल यूपी वारियर्स र दिल्ली क्यापिटल्सबीच ब्रेबोर्न स्टेडियममा भएको थियो ।

खेलमा युपी वारियर्स पाँच विकेटले पराजित भएको थियो । जितपछि दिल्ली क्यापिटल्स अंक तालिकाको शीर्ष स्थानमा उक्लँदै सिधै फाइनलमा प्रवेश गरेको छ ।

खेलमा टस जितेर दिल्ली क्यापिटल्सले पहिले बलिङ रोजेको थियो । युपीले पहिले ब्याटिङ गर्दै १३८ रन बनाएको थियो ।

उक्त लक्ष्य पछ्याउँदै दिल्ली क्यापिटल्सले सुरुदेखि नै बलियो इनिङ्स खेल्दै २ ओभरभन्दा बढी समय बाँकी रहँदै लक्ष्य हासिल गरेको थियो ।

युपीको टोलीले अब मुम्बईसँग एलिमिनेटर खेल खेल्नुपर्नेछ।

यो खेलको विजेताले फाइनलमा दिल्ली क्यापिटल्ससँग प्रतिस्पर्धा गर्नेछ ।

इलिमिनेटर खेल २४ मार्च र वुमन्स प्रिमियर लिगको फाइनल खेल २६ मार्चमा हुनेछ ।