अफगानिस्तानका बलर राशिद खान टी–२० वरियतामा शीर्ष स्थानमा उक्लिए

Leeds: Afghanistan's Rashid Khan celebrates fall of a wicket during the 27th match of 2019 World Cup between West Indies and Afghanistan at Headingley Cricket Ground in Leeds, England on July 4, 2019. (Photo Credit: Twitter/@cricketworldcup)

डिसी नेपाल

१६ चैत २०७९ १०:५१

काठमाडौं । पाकिस्तानविरुद्धको टी–२० सिरिजमा जितसँगै अफगानिस्तानका स्टार बलर राशिद खान टी–२० मा बलरको वरियतामा फेरि शीर्ष स्थानमा पुगेका छन् । श्रीलंकाका वानिन्दु हसरंगालाई पछि पार्दै उनी शीर्ष स्थानमा पुगेका हुन् ।

यसअघि सन् २०१८ मा रसिद अन्तिम पटक टी–२० बलरको वरियतामा शीर्ष स्थानमा पुगेका थिए, त्यसपछि उनले लगातार राम्रो प्रदर्शन गरिरहेका छन् । रसिदले पाकिस्तानविरुद्ध उत्कृष्ट इकोनोमी रेटका साथ तीनवटै खेलमा एक विकेट लिएका थिए ।

योसँगै टोलीका फजलहक फारुकीले ४.७५ को औसतमा पाँच विकेट लिए । उनी यो वरियतामा १२ औं स्थानमा पुगेका छन् । आइतबार भएको टी–२० खेलमा अफगानिस्तानले पाकिस्तानलाई ७ विकेटले पराजित गर्दै सिरिज कब्जा गरेको हो ।