काठमाडौं । खानाको स्वाद बढाउनका साथै लेमोनेड बनाउनका लागि कागतीको व्यापक प्रयोग गरिन्छ। लेमोनेड एक यस्तो पेय हो, जुन हरेक मौसममा मानिसहरूलाई धेरै मन पर्छ। गर्मीमा ताजगी कायम राख्नका लागि अधिकांश मानिसले कागती पानी पिउन रुचाउँछन् ।

कागतीको रसलाई पानीमा मिसाएर त्यसमा केही मसला हालेर कागतीको पानी तयार गरिन्छ। कतिपयले मनतातो पानीमा कागती हाल्छन् भने कतिपयले चिसो पानीमा कागती मिसाएर मजा लिन्छन् । कागती पानीले दिनको सुरुवात गर्नाले तपाईको स्वास्थ्यलाई धेरै फाइदा हुन्छ। यसले धेरै रोगबाट बच्न पनि मद्दत गर्छ ।
विहान कागती पानी पिउनुका फाइदाहरुः

राम्रो हाइड्रेसन कायम राख्छः गर्मीको मौसममा हाइड्रेटेड रहनु धेरै महत्त्वपूर्ण हुन्छ। निर्जलीकरणले टाउको दुखाइ, चक्कर र थकान निम्त्याउन सक्छ। एक रिपोर्टका अनुसार कागती पानी पिउँदा हाइड्रेसन राम्रो हुने बताइएको छ । पानीमा कागती मिसाएर खाँदा यसको स्वाद बढ्छ र धेरै पोषक तत्व पनि पाइन्छ । बिहान उठ्ने बित्तिकै कागती पानी पिउनाले दिनभर ताजा महसुस हुन्छ । चिसो वा तातो पानीमा कागती मिसाएर पिउन सक्नुहुन्छ।

भिटामिन सी को कमी पूर्ति गर्छः कागतीलाई भिटामिन सी को राम्रो स्रोत मानिन्छ। भिटामिन सी प्रतिरक्षा प्रणाली बलियो बनाउन धेरै महत्त्वपूर्ण मानिन्छ। रोग प्रतिरोधात्मक क्षमता बलियो हुनाले रोगको जोखिम केही हदसम्म कम हुन्छ । एक अध्ययनका अनुसार कागतीले केही मानिसहरूलाई चिसोबाट छुटकारा दिन मद्दत गर्दछ। विशेष गरी ती व्यक्तिहरू, जो शारीरिक रूपमा बढी सक्रिय छन्।

छालालाई चम्किलो बनाउँछः कागतीमा पाइने भिटामिन सी र फ्लेभोनोइड्स छालाको लागि फाइदाजनक मानिन्छ । कागती पानी पिउनाले छालामा सुधार ल्याउन सकिन्छ । भिटामिन सीले शरीरमा कोलाजेन उत्पादन गर्न मद्दत गर्छ, जसले छालालाई सुधार्न मद्दत गर्छ। एक अध्ययनका अनुसार कागतीको जुस पिउनाले छालालाई लामो समयसम्म जवान देखाउन मद्दत गर्दछ।