काठमाडौं । पाकिस्तान क्रिकेट टोलीका फास्ट बलर नसीम शाहले हालै सामाजिक सञ्जालमा एउटा तस्विर शेयर गरेपछि उनको विवाहको बारेमा अड्कलबाजी सुरु भएको छ ।

२० वर्षीय क्रिकेटर नसीम शाहले इन्स्टाग्राममा एउटा स्टोरी सेयर गरेका छन् । यसमा उनी आफ्ना बुवा र अर्का व्यक्तिसँग बसेका थिए । यो तस्विरमा उनले कालो टिसर्ट लगाएकी छन् । जबकि उनका बुवा परम्परागत लुगामा देखिन्थे । उनले तस्विरसँग लेखेका छन्- अलहम्दुलिल्लाह।

यो तस्विर सार्वजनिक हुनासाथ शाहले बिहे गर्न लागेका हुन् भन्ने अड्कलबाजीको बजार तातो भयो ।

चर्चा चर्किदै गएपछि उनले इन्स्टाग्राममा एउटा स्टोरी सेयर गर्दै भनेका छन्, ‘मैले सेयर गरेको अन्तिम तस्विर मेरो इन्गेजमेन्ट वा बिवाहको होइन, न त यो मेरो कुनै सम्बन्धसँग सम्बन्धित थियो, कृपया यसलाई गलत अर्थ लगाउन बन्द गर्नुहोस् । यो एक साधारण परिवारको इफ्तारको तस्वीर थियो। आशा छ अब कुरा स्पष्ट हुनेछ।

नसिम शाह सन् २०२२ को एसिया कपमा आफ्नो बलियो इनिङ्सका कारण चर्चामा आएका थिए र त्यसबेलादेखि नै आफ्नो प्रदर्शनका कारण चर्चामा छन्।

२० वर्षीय खेलाडीले आफ्नो अन्तर्राष्ट्रिय करियरमा १५ टेस्ट, पाँच एकदिवसीय र १६ टी-२० खेल खेलेका छन् र ७४ विकेट लिएका छन्।