काठमाडौं । बाहुबली अभिनेता प्रभासको बहुप्रतिक्षित फिल्म ‘आदिपुरुष’ को नयाँ पोस्टर सार्वजनिक भएको छ । हनुमान जयन्तीको अवसरमा निर्माताले हनुमानको लुक्स सार्वजनिक गरेका छन् । चलचित्रको यो महत्वपूर्ण भूमिका देवदत्त नागेले निर्वाह गरेका छन् । हनुमान बनेका देवदत्तलाई यस रूपमा देख्नु उनका फ्यानहरूको लागि ठूलो उपहार हो।

पोस्टरमा देवदत्त आफ्ना भगवान श्रीरामको ध्यानमा छन्। यस तस्विरमा देवदत्तसँग प्रभासको झलक ब्याकग्राउण्डमा देखिन्छ । उत्कृष्ट पोस्टर सेयर गर्दै प्रभासले लेखेका छन् – रामका भक्त र रामकथाको आत्मा… जय पवनपुत्र हनुमान!

‘आदिपुरुष’ १६ जुन २०२३ मा हलमा रिलिज हुँदैछ । यसलाई ओम राउतले निर्देशन गरेका हुन् । यो पोस्टरले फ्यानहरुबाट निकै चर्चा पाइरहेको छ । देवदत्त बनेका हनुमानको झलक देखेपछि मानिसहरूले जय श्रीराम र हनुमानको नारा लगाइरहेका छन् । कसैले लेखे– यो फिल्मको अहिलेसम्मको उत्कृष्ट पोस्टर हो । अर्कोले लेखे- जय श्री राम, जय हनुमान।

फिल्म ‘आदिपुरुष’मा प्रभास–राम, कृति सेनन–सीता र सैफ अली खान–रावणको भूमिकामा देखिनेछन् । चलचित्रको टिजर सार्वजनिक भएको छ । जसलाई लिएर निकै हंगामा भएको थियो । सैफको रावण लुकको आलोचना भएको थियो । हालै फिल्मको नयाँ पोस्टर सेयर गरिएको छ । यसमा आदिपुरुषको सम्पूर्ण कलाकार देखिएका थिए ।

टिजरपछि यो पोस्टर पनि विवादमा रह्यो । आफूलाई सनातन धर्मका प्रचारक भनिरहेका सञ्जय दीनानाथ तिवारीले पोस्टरविरुद्ध प्रहरीमा उजुरी दिएका छन् । पोस्टरले हिन्दूहरूको भावनामा चोट पुर्‍याएको उनको आरोप थियो। तस्विरमा रामायणका सबै कलाकारलाई जनै नलगाएको देखाइएको छ । सीताको सिउँदोमा सिंदूर पनि छैन।

देवदत्त गजानन नागे मुख्यतया मराठी उद्योगमा काम गर्छन्। उनी धेरै टिभी शो र चलचित्रहरूमा देखा परेका छन्। उनले चर्चित शो जय मल्हारमा भगवान खाण्डोबाको भूमिका निभाएका थिए । यो चरित्रले देवदत्तलाई ख्याति दिलायो। उनको कामको सबैले प्रशंसा गरे ।

देवदत्त निर्देशक ओम राउतको फिल्म तानाजीमा देखिएका थिए। फिल्ममा उनले सूर्याजी मालुसरेको भूमिका निर्वाह गरेका थिए । उनी बलिउड फिल्म सत्यमेव जयते, वन्स अपन अ टाइम इन मुम्बई दोबारामा देखा परेका छन्।

अब देवदत्त पान इन्डिया फिल्म आदिपुरुषमा हनुमानको भूमिकामा देखिनेछन् । एक अन्तर्वार्तामा उनले यो भूमिका खेल्न पाउँदा निकै उत्साहित भएको बताए । उनी उत्कृष्ट अभिनेता हुनुका साथै फिटनेस फ्रीक पनि हुन् ।