काठमाडौं । सिरियालाई अरब लिगमा पुनः समावेश गर्ने विषयमा शुक्रबार साउदी अरबको सहर जेद्दामा नौ देशका विदेशमन्त्रीको बैठक बसेको छ ।

२०११ मा, सिरियालाई राष्ट्रपति बसर अल-असदको नेतृत्वमा प्रजातन्त्र समर्थक प्रदर्शनकारीहरूको क्रूर दमनको मुद्दामा अरब लीगको सदस्यताबाट निलम्बन गरिएको थियो।

बुधबार साउदी अरेबिया र सिरियाले दमास्कसको एक्लोपन अन्त्य गर्न आवश्यक कदम चाल्ने विषयमा छलफल गरेको बताए।

गत महिना मात्रै साउदी अरेबियाले सात वर्षपछि इरानसँग कूटनीतिक सम्बन्ध पुनर्स्थापित गरेको घोषणा गरेको थियो ।

बसर अल-असदको शासनको कट्टर आलोचक कतारले सिरियासँगको सम्बन्धलाई सामान्य बनाउने प्रयासको विरोध गरेको छ।