काठमाडौं । ट्र्याकको छेउमा एक बालक हिँडिरहेको देख्दा एक रेल चालक छक्क परे। ट्रेन १०० किलोमिटर प्रतिघण्टाभन्दा बढीको गतिमा उनीतर्फ गइरहेको थियो। बालक र मृत्युको बीचमा केही सेकेन्डको मात्र अन्तर थियो। तर, त्यसपछि चालकले यस्तो सुझबुझपूर्ण काम गरे जसले सबैको मन जित्यो । कुरा अमेरिकाको न्युयोर्कको हो ।

मिरर युकेको रिपोर्ट अनुसार ट्रेन ट्यारीटाउन रेलवे स्टेशनबाट गुज्रिरहेको थियो। यसको गति लगभग ११२ किमी प्रति घन्टा थियो। यसैबीच तीन वर्षीय बालक ट्र्याक नजिकै हिड्दै थिए । रेलका चालक (को-पाइलट) ले उनलाई देख्ने बित्तिकै उनी छक्क परे।

चालकले तुरुन्तै आपतकालीन ब्रेक लगाउने निर्णय गरे। ठूलो समझका साथ उनले बच्चाबाट केही मिटरको दूरीमा ट्रेन रोक्न सफल भए। चालकले ब्रेक हान्न थोरै ढिला गरेको भए दुर्घटना हुन सक्ने विज्ञले बताए । यो पूरै घटना नजिकै जडान गरिएको सीसीटीभी क्यामेरामा कैद भएको छ ।

ट्रेन रोकेपछि चालक तल ओर्लिए र त्यसपछि बच्चालाई काखमा लिएर आफ्नो सिटमा ल्याए । उनले बच्चालाई पानी खुवाए र त्यसपछि स्थानीय प्रशासनलाई जानकारी दिए र आमाबाबुलाई भेट्न मद्दत गरे। चालकको यो कामको जनताले तारिफ गरिरहेका छन् ।

बालक एक्लै रहेको र ट्रयाकमा हिँडिरहेको बताइएको छ । समयमै उनको ज्यान जोगियो नत्र रेल वा बिजुलीको तारको चपेटामा परेर ज्यान जाने थियो । घटनाका बेला बालकले केही बोल्न सकेनन् ।